Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, артыг 23 ҝүндүр ки, Һуси Һәракаты Јәмәнин һазыркы игтидарынын сијаси, игтисади вә мәзһәб ајрысечкилијинә гаршы чыхараг, әһалини пајтахт Сәна вә диҝәр мүһүм шәһәрләрдә сүлһамиз етираз аксијаларында иштирак етмәкә дәвәт едир.
Етираз митингләринин сүлһамиз олмасына бахмајараг мөвҹуд ганунсуз режим гүввәләри, һәмишә олдуғу кими бу ҝүн дә аксија иштиракчыларына гаршы зор тәтбиг едәрәк, ағыр вә јүнҝүл силаһлардан истифадә едибләр.
Јәмән Шиәләринин Һуси Һәракатынын “Әнсаруллаһ” Ганады бир даһа халгы күчә вә хијабанлара чыхараг өз һәгиги һүгугларынын мүдафиәсинә галхмага дәвәт едиб. Өтән ҝүн вә бу ҝүн пајтахт Сәна вә диҝәр мүһүм шәһәрләрдә арасыра нүмајишләр давам едиб.
Гејд етмәк лазымдыр ки, Јәмән халгынын минталитетинә ујғун олараг, һәр јәмәнлинин евиндә ағыр вә јүнҝүл одлу силаһлар мөвҹуддур. Лакин бүтүн бунлара бахмајараг, халг күтләси мәнфур режимин ичүзүнү дүнјаја танытдырмаг мәгсәди илә, етираз аксијаларына силаһсыз чыхараг сүлһмәрамлы олдугларыны нүмајиш етдирирләр.
Диггәт: Хәбәрдән истифадә етдикдә мәнбәјә истинад лазымдыр
