Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, артыг 21 ҝүндүр ки, Јәмән Һуси Һәракаты өлкәдә сијаси, игтисади вә мәзһәб ајрысечкилијинә гаршы чыхараг, әһалини пајтахт Сәна вә диҝәр мүһүм шәһәрләрдә сүлһамиз етираз аксијаларында иштирак етмәкә дәвәт едир. Шиә Һуси Һәракатынын дәвәтини гәбул едән 100 минләрлә инсан сүлһамиз аксијалара гошулуб.
Етираз митингләринин сүлһамиз олмасына бахмајараг мөвҹуд ганунсуз режим гүввәләри, бу ҝүн аксија иштиракчыларына гаршы зор тәтбиг едәрәк, ағыр вә јүнҝүл силаһлардан истифадә едибләр.
Баш верән гаршыдурмаларда онларла мәзлум Шиә Шәһид едилмиш јүзләрлә ҝүнаһсыз инсан јараланмышдыр.
Алдығмыз мәлуматларда, ганунсуз режим гүввәләринин дөвләт биналары үзәриндә гәрар вердији үзүбағлы снајперчиләри аксија иштиракчыларынын баш наһијјәсини һәдәфә алараг Шәһид едибләр.
Билдирәк ки, Јәмәнин гејрилегал дөвләтинин сијасәтләрини даим дәстәкләјән әл-Ҹәзирә ТВ каналы да, өз нөвбәсиндә режимин силаһсыз вә сивил вәтәндашлара гаршы тәтбиг етдији бу вәһшиликинә етираз етмишдир.
Белә ки, әл-Ҹәзирә ТВ каналынын Јәмәндәки мүхбири Һәмди Букара, апарыҹынын иддиа етдији “етиразчылар арасында силаһлылар да олуб” ифадәсини рәдд едәрәк билдириб: “Бу етираз аксијасы тамами илә сүлһамиз бир аксија иди вә Һуси Һәракатынын силаһлылары да бу аксијада иштирак етмирди”.
Гејд едәк ки, Һуси Һәрәкатынын “Әнсаруллаһ” Ганадынын Спикери Әбдүл Сәлам баш вермиш ганлы олајла бағлы билдириб: “Сәнада баш верән һадисәләр бир баша дөвләт тәрәфиндән һәјата кечирилиб. Вә өлкә президенти аксија иштиракчыларына гаршы одлу силаһлардан атәш ачан үнсүрләрә гаршы мүтләг бир тәдбир төкмәлидир”.
О, даһа сонра билдириб: “Әнсаруллаһ һәракаты аксија иштиракчыларыны неҹә мүдафиә едәҹәји һаггда арашдырмалар апарыр. Дөвләт билмәлидир ки, бу гырғынла өз өмрүнүн сон анларыны јашајыр вә артыг хариҹи дөвләтләрин дә дәстәји она һеч бир фајда вермәјәҹәк”.
Диггәт: Хәбәрдән истифадә етдикдә мәнбәјә истинад лазымдыр
