Әһли Бејт (әлејһим сәлам) АБНА – Хәбәр Аҝентлијинин вердији хәбәрә әсасән, бу ҝүн сәһәрин еркән радәләриндә Фәләстин торпагларыны ишғал етмиш јәһудиләрин бир групу, ганунсуз сионист режимин полис гүввәләринин там нәзарәти алтында Иордан Чајынын шимал мәнтәгәсиндәки Наблос шәһәринә басгын едәрәк, һәзрәти Јусиф (әлејһи сәлам) пејғәмбәрин түрбәсинә дахил олмуш вә јәһуд каһинләринин гондарма ајинләрини иҹра етмишләр.
Һал шаһидләринин билдирдијинә ҝөрә, 8 автобусла долу гаты јәһудиләр гондарма ајини јеринә јетирмәк үчүн Јусиф (әлејһи сәлам) пејғәмбәрин мәзарына дахил олдугдан сонра, сионист режимин полис гүввәләри, радикал јәһудиләрин тәһлүкәсизликини тәмин етмәк мәгсәди илә, әтраф мәнзилләрин дамы үзәриндә һазыр олублар.
Буна бахмајараг, Јусиф (әлејһи сәлам) пејғәмбәрин зијарәтҝаһы јахынлығында Фәләстинлиләр илә ишғалчы режимин јарымһәрбичи сакинләри арасында гаршыдурма баш вериб. Әли силаһлы јәһудиләрә даш атан Фәләстинли ҹаванлар, гондарма исраил режиминин һәрбичиләри тәрәфиндән ҝөзјашардыҹы, зәһәрли газларын вә сәс гумбараларынын атәшинә мәруз галыб.
Гејд едәк ки, бу анти-Илаһидин јүрүшләр, сон 3 ҝүн әрзиндә сионист режим гүввәләринин икинҹи јүрүшүдүр.
Хатырладаг ки, сионист гүвәләри Гәззә Золағына тәҹавүз етдикләри мүддәт әрзиндә һәзрәти Јусиф (әлејһи сәлам) пејғәмбәрин мәзарына дахил омагдан чәкинмишләр.
Диггәт: Хәбәрдән истифадә етдикдә мәнбәјә истинад лазымдыр
