Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Түркијәдә азәриләрә (Шиәләрә) гаршы дөвләт рәсмиләри сәвијјәсиндә тәхрибатлар давам едир. Артыг Шиәләрин нечәнҹи Мәсҹидидир ки, азғын “сәләфи” јараглылары тәрәфиндән һүҹума мәруз галыб.
Белә ки, өтән ҝүн Истанбулун Бүјүкчекмеҹе мәһәлләсиндә 20-30 нәфәрдән ибарәт Аллаһсыз, Шиәләрин тикмәкдә олдуглары Имам Әли (әлејһи сәлам) адына Мәсҹидә јүрүш едәрәк, Мәсҹиди вә әтраф отаглары дашгалаг едибләр. Дашгалаг нәтиҹәсиндә тикинтинин мәсул шәхсләри вә ишчи гүввәләри үчүн нәзәрдә тутулмуш отагларын шүшәләри сындырылыб.
Һал Шаһидләринин билдирдијинә ҝөрә исә, адыны ачыгламадыглары “мәһәлләнин тәһлүкәсизлик ишчиси” һадисәнин әсас сәбәбкарыдыр. О, Зөһр намазыны гылдыгдан сонра ҹамааты тикилмәкдә олан Имам Әли (әлејһи сәлам) адына Мәсҹидә јүрүш етмәкә тәһрик едиб.
Хәбәр јајылдыгдан сонра исә, Истанбул Шиәләри (Азәрбајҹанлылары) һадисә јериндә топлашыблар. Шиә етиразчыларына гошулан Бүјүкчекмеҹе мәһәлләсинин Сүнниләри дә гејд олунан “мәһәлләнин тәһлүкәсизлик ишчиси”нин еви гаршысында ҹәмләшәрәк “Мәсҹидин шиәси сүнниси олмаз”, “Мәсҹидә узанан әли гырарыг”, “Шиә Сүннү гардашдыр Тәкфирчиләр алчагдыр” шүарлары сәсләндирибләр.
Түркијә Шиә Үләмалары иттифагынын сәдри Һамид Туран етиразчылары диггәтли олмаға чағырараг билдириб: “Биз Шиәләр һеч бир заман фитнә әһли олмамышыг. Бу сон ајларда мәлум шәхсләр тәрәфиндән Шиә Мәсҹидләринә едилән һүҹумлар јалныз бирҹә һәдәф ҝүдүр. Мүсәлманлар арасында фитнә јаратмаг”.
Руһани Һамид Туранын чыхышындан сонра, Түркијә Тәһлүкәсизлик Гүввәләринин нүмајәндәләри тәхрибатчынын евинә ҝедәрәк ону һәбс етмиш вә һаггында истинтаг ишинин ачылаҹағына сөз вермишләр.
Гејд едәк ки, Түркијә Систем Ишчиләринин Азәриләрә (Шиәләрә) гаршы белә бир мәнфур сијасәт бәсләмәкләри гејри ади бир һал дејил. Она ҝөрә ки, Сурија вә Ирагда Шиәләрә гаршы амансызҹасына апарылан дөјүшләрин, Шиә көрпәләринин башларынын кәсилмәси вә с. ҹинајәтләр мәһз Түрк дөвләтинин гојдуғу анти-Шиә сијасәтдир.
Хатырладаг ки, тәгрибән 4 ај өнҹә дә Т. Әрдоған гондарма “ИШИД” вә Нүсрә Ҹәбһәсини террорчу груплашма кими танымадығыны рәсмән елан етмишдир.
Диггәт: Хәбәрдән истифадә етдикдә мәнбәјә истинад лазымдыр
