Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Тәһсил Назирлиjи Араз курсларынын бағланмасы илә бағлы мәлумат jаjыб.Ахараз-ын Тәһсил Назирлиjинин рәсми саjтына истинадән вердиjи хәбәрә ҝөрә, мәлуматда деjилир: "Тәһсил Назирлиjи дахил олан мүраҹиәтләрә ҹаваб олараг билдирир ки, Азәрбаjҹан Беjнәлхалг Тәһсил Комплексинин нәздиндә фәалиjjәт ҝөстәрән үмуми тәһсил мүәссисәләринин ләғв едилмәси илә бағлы тәсисчиләрин гәрары бу ҝүн Назирлиjә дахил олуб. Тәһсил Назирлиjи тәсисчиләрин ганунвериҹилик чәрчивәсиндә гәбул олунмуш гәрарына һөрмәтлә jанашыр вә ону шәрһ етмир. Гәрарын гәбул олунмасы өзәл тәһсил мүәссисәләринин табе олдуғу иҹтимаи бирлиjин мүстәсна сәлаһиjjәтләринә дахилдир.
Еjни заманда, Азәрбаjҹан Беjнәлхалг Тәһсил Комплексинин лисеjләриндә тәһсил алан шаҝирдләрин вә чалышан педагожи һеjәтин өлкәмизин тәһсил шәбәкәсиндә jерләшдирилмәси үчүн Тәһсил Назирлиjи тәрәфиндән ишчи груп jарадылыб вә просесин нормал ҝедишини тәмин етмәк үчүн һазырлыг ишләринә башланылыб.
Тәһсил Назирлиjи АБТК-да тәһсил аланларын вә онларын валидеjнләринин диггәтинә чатдырыр ки, онларын сәрбәст сечими әсасында мүвафиг тәһсил мүәссисәләриндә тәһсилләринин давам етдирилмәси, еләҹә дә бу мәктәбләрдә чалышан педагожи һеjәтин jени дәрс или башлаjанадәк мүвафиг гаjдада jерләшдирилмәси үчүн лазыми шәраит jарадылаҹаг. Дөвләт мәктәбләринин кифаjәт гәдәр шаҝирд гәбул етмәjә имкан вә шәраити вардыр. Бунунла бағлы һеч бир нараһатчылыға әсас jохдур.
Азәрбаjҹан тәһсили зәнҝин әнәнәләрә, ҝүҹлү мадди-техники вә педагожи потенсиала маликдир. Өлкәмизин бир чох үмумтәһсил мүәссисәләри дүнjа мигjасында кечирилән мүхтәлиф jарышма вә мүсабигәләрдә jүксәк наилиjjәтләр газанырлар. Инанырыг ки, бу уғурларымыз бундан сонра да артаҹаг".
Axar.az
Диггәт: Хәбәрдән истифадә етдикдә мәнбәjә истинад лазымдыр
