Аллаһшүкүр Пашазадә: ИШИД гуруплашмасы кафирдир

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән,
ГМИ сәдри Шеjх  Һаҹы Аллаһшүкүр Пашазадә  ДАЕШ jахуд ИШИД гуруплашмасынын Ирагдакы ҹинаjәтләри барәдә ачыг мүнасибәт билдирәрәк гуруплашманын кафир олдуғуну вурғулаjыб.
"Ираг Шам Ислам Дөвләти" силаһлы груплашмасынын Ирагда апардығы ганлы зоракылыглара мүнасибәт билдирән Шеjх вурғулаjыб ки, груплашма дин уғрунда дөjүшмүр, онлар сиjасәт ҝировларыдыр: “Һәр һансы мүсәлман, өзүнә мүсәлман деjәрәк бир гардашынын вә инсанын ганыны төкүрсә, бу адам кафирдир. Һазырда Суриjада, Ирагда, Кәркүкдә, Мосулда өлдүрүлән инсанлар һагсыз jерә гәтлә jетирилир. Тәбии ки, буна ҝөрә Аллаһ онларын ҹәзасыны верәҹәк”.
Геjд едәк ки, Ирагда jаранмыш вәзиjjәтлә әлагәдар Азәрбаjҹан Хариҹи Ишләр Назирлиjи өлкә вәтәндашларыны Ирага ҝетмәмәjи мәсләһәт ҝөрүб.
Диҝәр тәрәфдән  АБШ, сионист режим, Сәудиjjә Әрәбистаны вә Түркиjә һөкумәтинин һимаjәси алтында олан “Ираг Шам Ислам Дөвләти” силаһлы груплашмасы Азәрбаjҹан Республикасы вә Түркиjәнин дөвләт рәмзләринә гаршы тәхрибата jол вериб.
АПА-нын мәлуматына ҝөрә, силаһлы груплашма үзвләри сосиал шәбәкәләрдә чағырышлар jаjараг тезликлә Азәрбаjҹан вә Түркиjә әразисиндә ҝуjаки “ислам дөвләти”ни гураҹагларыны бәjан едибләр.
Онлар һәмчинин Азәрбаjҹан вә Түркиjәнин дөвләтин хәритәси вә баjрагларыны гара фонда тәгдим едибләр.
Диггәт ҹәлб едәндир ки, ИШИД гуруплашмасынын бу һәрәкәти Азәрбаjҹан Республикасында сионист режимә вә пантүркисм ҹәрәjанына асылы олан дырнаг арасы милләтчиләри  һечдә нараһат етмәjиб вә индиjә кими һәлә бу ҹәрәjанын реаксиjасы олмаjыб.
APA.az
Диггәт: Хәбәрдән истифадә етдикдә мәнбәjә истинад лазымдыр