Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Иран Ислам Республикасынын “Һәтәм әл Әнбијјә” һава һүҹумундан мүдафиә базасынын команданы Әли Рза Сәбаһи Фард Ислам Ордусунун радар вә ракет техникасы саһәсиндәки ән мүасир нүмунәләрини сынагдан кечиртдији һаггда ачыглама верәрәк билдириб: “Сынаглар “Мисбаһул Һуда- Илаһи Нур” ады алтында кечирилмиш силсилә тәлимләр чәрчивәсиндә баш тутуб. Тәлимләр артыг јени техника илә тәҹһиз олунмуш һава һүҹумундан мүдафиә гүввәләринин бирләшмәләринин јерләшдији Фарс көрфәзиндәки Киш адасында кечирилиб.
Командир Әли Рза Сәбаһи Фард даһа сонра тәлимләрин бир нечә мәрһәләдән ибарәт олуб вә өлкәнин бир нечә рајонуну әһатә етдијини билдирәрәк дејиб: “Тәлимләр дөјүш шәраитинә максимал јахын мүһитдә јени вә перспективли зенит ракетләри, радарлар вә артиллерија системләринин сынаглары илә кечирилиб.
Гејд едәк ки, “Һәтәм әл Әнбијјә” һава һүҹумундан мүдафиә базасы Иран Ислам Республикасынын Силаһлы Гүввәләринин ән мүасир вә габагҹыл һәрби мәркәзләриндән биридир. Бурада ракет силаһларынын вә радар системләринин мүасир нөвләри истеһсал олунараг сынагдан кечирилир. Бу тип техникаја аид “Рассид-32” радар системи Киш адасында тәлимләр заманы сынагдан кечирилиб. Гејд олунан систем дүшмәнин һава һәдәфләринин һүндүрлүјү, сүрәти вә истигамәти барәдә мәлуматлары оператив шәкилдә топлајараг автоматик режимдә 15 км-дәк аралыда јерләшән һава һүҹумундан мүдафиә гүввәләринин команда мәнтәгәләринә өтүрүлүр.
АБНА- Хәбәр Аҝентлији
Диггәт: Хәбәрдән истифадә етдикдә мәнбәјә истинад лазымдыр
