Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, бәрәкәтли вә севинҹли мәгамларла долу олан Шәбан ајынын дахил олмасы мүнасибәти илә Әмирәл Мөминин, Әли Ибн Әбу Талибин (әлејһимә сәлам) мүгәддәс һәрәминин мүдиријјәти тәрәфиндән Тајландын пајтахты Бангкокда һәзрәти Әлинин (әлејһи сәлам) гурдуғу 5 иллик Ислам Һөкүмәтинин 1400 –ҹү илдөнүмү мүнсибәти илә “Әләви Әдаләти” адлы Елми вә Мәдәни семинар тәшкил олунуб.
Имам Әлинин (әлејһи сәлам) һәрәми тәрәфиндән Тајланда јолланмыш мүхбир, һејәтин сәдринә истинадла вердији хәбәрдә билдириб: “Гејд олунан семинар илк дәфәдир ки, Әмирәл Мөминин (әлејһи сәлам) вә Әһли Бејт (әлејһи сәлам) һаггда Тајланда кечирилир. Бу өлкәнин узаг вилајәтләриндән пајтахт Бангконка бөјүк һәвәслә ҝәлән Шиәләр, Әһли Бејтә (әлејһи сәлам) олан ешгләрини вә Елми –Мәдәни програмлара гаршы диггәтли олдугларыны бир даһа сүбута јетирдиләр.”
Семинар, Тајландлы Гуран Гарисинин нурани Гуран ајәләринин ифасы илә ишә башламышдыр. Гуран Кәримин тилавәтиндән сонра Бангконкда јерләшән Ајәтуллаһ Хои (рәһмәтуллаһи әлејһ) адына Хејријјә Мүәссисәсинин Сәдри вә Ислам Вәһдәти Шурасынын үзвү Һөҹҹәтүл Ислам Һүсејн ибн Салим чыхыш едиб.
Һөҹҹәтүл Ислам Һүсејн ибн Салим чыхышындан сонра Имам Әлинин (әлејһи сәлам) һәрәминдән ҝәлән һејәтин үзвү Һөҹҹәтүл Ислам Әбдүл Әзиз әл-Мүсәви һәрәмин мүдиријјәтинин ҝөндәрдији алгышлы саламларыны вә гыса чыхышыны Тајланд Шиәләринә охујуб.
Даһа сонра, семинар үчүн јазылмыш елми мәгаләләр мүнсифләр һејәти тәрәфиндән илк өнҹә Һөҹҹәтүл Ислам Әли Шукринин јаздығы “Әлинин Һөкүмәти Нүбуввәт Ағаҹы вә Имамәт Сәмәрисидир”адлы мәгаләнин јохланылышы илә гијмәтләндирилиб.
Семинарда бир чох Елм вә Дин хадимләри о ҹүмләдән Тајланд Ислам Университетинин устады Шејх Әбил Мәали вә Лондонда јерләшән Ајәтуллаһ Хои (рәһмәтуллаһи әлејһ) адына Хејријјә Мүәссисәсинин нүмајәндәси Сејјид Мөһсин Хәлхали ҹәнаблары иштирак едиб.
Семинарын сонунда мәгалә саһибләринә вә семинар иштиракчыларына гијмәтли һәдијјәләр верилиб.
АБНА- Хәбәр Аҝентлији
Диггәт: Хәбәрдән истифадә етдикдә мәнбәјә истинад лазымдыр
