Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, “Хидмәт” һәрәкатынын лидери Фәтһуллаһ Ҝүләнин 2000-ҹи илдә јаздығы китабда һеч кими мәһкәмәјә вермәјәҹәјинә даир сөз вердији мәлум олуб.
Азәрбајҹан КИВ-нин мәлуматына ҝөрә, 17 декабрдан сонра Фәтһуллаһ Ҝүләнин журналистләрә гаршы тәзминат тәләби илә мәһкәмәјә 600-дән чох мүраҹиәти олдуғу мәлум олуб.
Мәлумата ҝөрә, бу мәһкәмә иддиалары үчүн јүзминләрлә лирә пул хәрҹләјән Ҝүләнин, бу мүраҹиәтләрин әксәријјәтиндән һеч бир нәтиҹә әлдә етмәјиб.
Бундан башга Ф. Ҝүлән јаздығы китаблардан бириндә һеч кими мәһкәмәјә вермәјәҹәјни дә ифадә едиб.
2000-ҹи илдә “Нил” нәшријјатындан чыхан, Ф. Ҝүләнин мүәллифи олдуғу “Ишығын ҝөрдүјү үфүг” китабынын 217-ҹи сәһифәсиндә, “Аллаһа аид һүгуга гарыша билмәрәм, мәнә аид һеч бир һаггдан өтрү һеч кими мәһкәмәјә вермәјәҹәјимә сөз верирәм” – јазылыб.
АБНА- Хәбәр Аҝентлији
Диггәт: Хәбәрдән истифадә етдикдә мәнбәјә истинад лазымдыр
