Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән,Әрдәбилин имам ҹүмәси һөҹҹәтүлислам Сеjид Һәсән Амили ишғалчыс Исраил режиминин хариҹи ишләр назиринин Бакыjа олан сон сәфәринә ишарә едәрәк, деjиб: Сионист режим Иран вә Азәрбаjҹан халглары арасындакы дост мүнасибәтдән ниҝаран олараг, бу мүнасибәтләри корламаға чалышыр.
ИРНА-нын мәлуматына ҝөрә, һөҹҹәтүлислам Сеjид Һәсән Амили Әрдәбилин ҹүмә намазы хүтбәләриндә даһа сонра вурғулаjыб: Ишғалчы Исраил режими Иран Ислам Республикасынын Гафгаз өлкәләри илә дост мүнасибәтләринә дөзә билмир вә бу мүнасибәтләрә зәрбә вурмаг үчүн һеч бир фитнәдән чәкинмир.
О, Азәрбаjҹан Республикасы президентинин Теһрана олан сон сәфәринә ишарә едәрәк, деjиб: Бу сәфәр ики өлкәнин мүсәлман, шиә вә дост халгы арасында мүнасибәтләрин инкишафы илә бағлы үмидләрин артмасына сәбәб олуб. Амма, аjдын иди ки, ишғалчы режим бу мәсәләдән ниҝаран олуб вә позуҹулуг төрәтмәк истәjәҹәк.
Әрдәбилин имам ҹүмәси әлавә едиб: Ислам Ингилабынын Бөjүк Рәһбәринин Азәрбаjҹан Республикасы президенти Илһам Әлиjев илә ҝөрүшдә буjурдуглары кими, Исраил һеч бир вәҹһлә Иран вә Азәрбаjҹан халглары арасында дост мүнасибәтләрин олмасы илә разылаша билмир.
Һөҹҹәтүлислам Сеjид Һәсән Амили даһа сонра деjиб: Теһран сәфәринин баша чатмасындан сонра, һәлә Илһам Әлиjев Бакыjа чатмамыш, Исраилин хариҹи ишләр назири Азәрбаjҹан Республикасына сәфәр етди ки, бу сәфәрин маһиjjәтиндән хәбәрдар вә онун нәтиҹәләринин ҝерчәкләшмәсинә мане олсун.
Әрдәбилин имам ҹүмәси әлавә едиб: Теһран-Бакы арасында имзаланмыш әмәкдашлыг сәнәдләринин иҹрасы jолунда мане jаратмаг вә ики өлкә арасындакы мүнасибәтләрдә позуҹулуг төрәтмәкдән башга, Исраиллиләрин Азәрбаjҹандакы иштиракынын икинҹи сәбәби Иран Ислам Республикасына гаршы ҹасуслугдур.
Онун дедиjинә ҝөрә, Иранын нүвә алимләрини террор едәнләр Исраил ҹасуслары илә Азәрбаjҹан әразисиндә ҝөрүшүбләр вә бу саһәдә лазым олан ҝөстәришләр вә тәлимләри орада алыблар.
Амили даһа сонра деjиб: Сионист режимин Азәрбаjҹан Республикасындакы башга миссиjасы бу өлкә исламчылары илә мүбаризәдир. Исраиллиләр дәфәләрлә хәбәрдарлыг едибләр ки, Бәһреjн һадисәләринин Азәрбаjҹанда тәкрарланмасына вә исламчыларын ҝүҹләнмәсинә иҹазә вермәjәҹәкләр.
Әрдәбилин имам ҹүмәси вәһһабилик тәһлүкәсинин Гафгаз мәнтәгәсидә ҝенишләнмәсинә ишарә едәрәк, деjиб: Бу мәнтәгә өлкәләринин рәсмиләри вәһһабилик тәһлүкәсинин бөjүклүjүнү дәрк етдикдә, бу чиркин феноменин көкүнү мәнтәгәдән кәсмәк истәдиләр. Лакин, Исраил вә Америка буна мане олдулар.
Һөҹҹәтүлислам Амили деjиб: Вәһһабилик, Әл-Гаидә, ИШИД, Әннүсрә вә диҝәр террорчу дәстәләр АБШ вә Исраил тәрәфиндән jарадылыблар. Онлар бу террорчу груплар васитәсилә дүнjада Ислама гаршы горху һисси jаратмаға чалышырлар.
Әрдәбилин имам ҹүмәси Америка, Исраил вә Авропанын террорчулары һимаjә етмәләринә тохунараг деjиб: Һазырда бизим реҝион һәссас бир мәрһәләни тәҹрүбә едир. Онларын реҝионла бағлы планлары вар вә аjыг олмаг лазымдыр.
О тәкид едиб ки, мүнафигләр, Пежак, ПКК Исраил режими вә Американын буjруг гулу кими бу халгын пак өвладларынын ганыны ахытмаг, онлары шәһид етмәк үчүн фәрман ҝөзләjирләр.
Диггәт: Хәбәрдән истифадә етдикдә мәнбәjә истинад лазымдыр
Теһран Радиосу
