Азәрбајҹан дахил олмагла бөјүк Гафгазы ишғал едән ҝенерал гәһрәман сечилди

Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Русија тарихинин ән ҝүҹлү сәркәрдәләринин адлары бәлли олду.

Сәркәрдәләрин адлары Русијада апарылан сорғуларын нәтиҹәләринә әсасән мүәјјәнләшиб.

Сорғу интернет ресурсларда нојабр ајындан етибарән башладылыб. Руслар тарихләринин ән ҝүҹлү сәркәрдәси кими Суворову сечибләр. Мәшһур ҝенералдан сонра сијаһыда Ҝеорҝи Жуков, Александр Невски, Михаил Кутузов, Константин Рокосовскинин адлары јер алыб. Рус вә Иран мүһарибәсиндә Иранын Гафгаз вә Азәрбајҹан бөлҝәләрини ишғал едән мәшһур ҝенерал Алексеј Јермолов исә алтынҹы пилләдәдир.

Гејд едәк ки, Јермолов Рус вә Иран мүһарибәси заманы Гафгазда Мүсәлманлара гаршы амансыз мөвгеји илә сечилиб. О, Гафгаздакы ханлыгларын ләғв едилмәси вә ханларынын өлдүрүлмәсиндә әсас рол ојнајан шәхсләр сырасындадыр.

АБНА- Хәбәр Аҝентлији
Диггәт: Хәбәрдән истифадә етдикдә мәнбәјә истинад лазымдыр