Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, “Бүтүн дөвләт гурумларында, һәтта али мәктәбләрдә дә МТН-нин нүмаjәндәләри вар”.
Бу сөзләри политолог Габил Һүсеjнли деjиб. О, МТН забитинин Дини Комитәjә мүавин тәjин едилмәсинин уғурлу һадисә олдуғуну билдириб:
“Әввәла ону деjим ки, бу үмуми тәҹрүбәдир. Бүтүн дөвләт гурумларында, һәтта али мәктәбләрдә дә МТН-нин нүмаjәндәләри вар. МТН дөвләт тәһлүкәсизлик системинә, хүсусән назирликләрә өз хәтти илә нәзарәт едир. Амма бу нәзарәт бирбаша ҝөстәриш вермәк кими деjил, баш верән һадисәләри топлаjараг, мүәjjән jерләрә өтүрмәк функсиjасыны jеринә jетирир. Инди бурада МТН забити сәдр мүавини кими һадисәләрин ҝедишинә нәзарәт едәҹәк. Комитә рәһбәрлиjинә мәлумат өтүрәҹәк вә онунла бирҝә мәсәләләрин зәрурилиjини өн плана чәкәҹәк. Бу хәтт васитәсиjлә МТН-ә дә мүәjjән мәлуматлар өтүрүләҹәк вә лазым ҝәләрсә, тәһлүкә һисс олунарса, мүәjjән көмәк алмагла мәсәләнин оптимал һәллинә чалышылаҹаг. Мәнҹә, бу адамын ора тәjин едилмәси уғурлу һадисәдир. Бу дини комитәнин даһа сәмәрәли чалышмасына көмәк ҝөстәрәҹәк”.
Политолог тәригәтләрә нәзарәти тәкҹә ГМИ-jә бурахмағын о гәдәр дә мүнасиб олмадығыны геjд едиб:
“Тәбии ки, дөвләт геjри-әнәнәви тәригәтләрлә бағлы иш ҝөрүр. Чүнки Азәрбаjҹанда дини тәригәтләр, әһалинин кардинал дини груплара меjлләнмәси һаллары чохалыб. Бу мәгамда Дини Комитәнин иши чох фәал олмалыдыр. Јәни бу иши тәкҹә Гафгаз Мүсәлманлар Идарәсинин нәзарәтинә бурахмаг олмаз. ГМИ-нин өзү дә бу вә jа диҝәр формада нәзарәт алтында олмалыдыр. Чүнки ГМИ дини органдыр вә онлар мүәjjән мәсәләләрә дини нөгтеjи-нәзәрдән jанашдыгда, тәһлүкәни ҝөрмәjә биләрләр. Амма һакимиjjәт органлары динлә вә онун сиjасиләшмәси илә бағлы мәсәләләри тез ашкарламалы вә онун әхлаг, мәнәвиjjат саһәсиндә өз функсиjаларыны jеринә jетирмәк габилиjjәтини ҝери гаjтармалыдыр”.
Геjд едәк ки, бир мүддәт өнҹә Сиjавуш Һеjдәров Президентин сәрәнҹамы илә Дини Ишләр үзрә Комитәjә сәдр мүавини ҝәтирилиб. Мәлумата ҝөрә, Сиjавуш Һеjдәров Милли Тәһлүкәсизлик Назирлиjинин забитидир. Бир сыра политологлар геjри-әнәнәви динләрин ҹәһд етсәләр белә ҝүҹ структурларына, хүсусилә МТН-ә сыза билмәмәләрини әсас ҝәтирәрәк, пешәкар хәфиjjәнин Дини Ишләр үзрә Комитәнин рәһбәрлиjинә тәjин едилмәсини тәсадүфү саjмырлар. Хүсусән, кечмиш сәдр Елшад Исҝәндәровун адынын нурчу кими һалланмасындан сонра һакимиjjәтин бу аддымы просесләри нәзарәт алтына алмаг бахымындан уғурлу ҝедиш кими дәjәрләндирилир.
Диггәт: Хәбәрдән истифадә етдикдә мәнбәjә истинад лазымдыр
Sizinyol.com
