Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, сионист гүввәләринин көмәклији илә “тәкфирчиләрдән” ибарәт јарадылмыш гондарма “Ираг вә Шам Ислам Дөвләти” (ИШИД) адлы террорчу груплашманын ҹинајәткар командири Әбу Бәкр әл- Бағдадинин Сәлаһәд Дин вә Бағдад шәһәрләри арасында јерләшән ҝизли пәнаһҝаһы Ираг Силаһлы Гүввәләри тәрәфиндән ашкарланараг зәбт едилиб.
Хәтәрли ҹинајәткарын пәнаһҝаһы, там аваданлыглар илә тәҹһиз едилмиш евин ҝизли зирзәмининдә дүзәлдилмишдир. Әбу Бәкр Бағдадинин бу евин зирзәмисиндә узун илләр јашадығы билдирилиб.
Ираг Тәһлүкәсизлик Назирлијинин билдирдијинә ҝөрә, Имән Әбдүл Гадир әл-Дејләми адлы Әбу Шакир ләгәби илә мәшһур олан 50 јашлы бир нәфәр Ираг Тәһлүкәсизлик Назирлијинин әмәкдашларына гејд олунан ҝизли пәнаһҝаһын ашкарланмасында јахындан көмәклик ҝөстәриб.
Хатырладаг ки, ҹари илин әввәлләриндә Ираг Һөкүмәти хәтәрли ҹинајәткар Әбу Бәкр әл-Бағдадинин ҝөрүнтүсүнү медиада ишыгландырараг ону ахтарыша вермишдир.
"Дахили Ишләр Назирлијинин сөзчүсү Ҝенерал Сәәд Маан билдириб: “Бу фотолар террорчу үнсүрләрин тезликлә көкдән мәһв олаҹагларындан хәбәр верир. Тезликлә онун өзү дә (Әбу Бәкр Бағдади) јахаланараг ҹәзасына чатдырылаҹаг.”
АБНА- Хәбәр Аҝентлији
Диггәт: Хәбәрдән истифадә етдикдә мәнбәјә истинад лазымдыр
