Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, өтән ҝүн, Шиә Аләминин Али Тәглид Мәрҹәси, Мүбариз Руһани, Ајәтуллаһ Узма Мәләкути ҹәнабларынын дәфн мәрасими Иран Ислам Республикасынын Елм Шәһәри сајылан Мүгәддәс Гум шәһәриндә минләрлә алим вә мөмүнләрин иштиракы илә, кечирилиб.
Мәрасим, Имам Һәсән Әскәри (әлејһи сәлам) адына Мәсҹиддән башланараг һәзрәти Ханым Мәсумәнин (сәламуллаһи әлејһа) пак һәрәминдә сона јетиб.
Мәрһум Ајәтуллаһ Мәләкути ҹәнабларына мејјит намазы Али Тәглид Мәрҹәси, Кәлам Елми, Гуран Тәфсири, Ислам Тарихи үзрә али дәрәҹәли мүтәхәссис, Ајәтуллаһ Ҹәфәр Сүбһани ҹәнабларынын имамлығы илә Ханым Фатимәји Мәсумәнин (сәламуллаһи әлејһа) пак һәрәминдә, гылыныб.
Мүбариз вә Рәббани Алим үчүн һәрәмдә кечирилән хәтм мәрасиминдә һәрәмиин мәсул шәхсләри, Гум Елми Һөвзәси, Ҹаме Мүдәррисин вә Имам Хаменеи ҹәнабларынын офис рәһбәрләри, һабелә Али Тәглид Мәрҹәси Ајәтуллаһ Ҹавад Амоли, Ајәтуллаһ Хәррази, Үмүмдүнја Әһли Бејт (әлејһим сәлам) Ассамблејасынын Баш Катиби Һөҹҹәтүл Ислам вәл Мүслимин Муһәммәд Һәсән Әхтәри вә саир алим вә мөмин тәбәгәнин үзвләри иштирак етмиш вә мәрһумун руһуна Гуран сүрәләри вә дуалар охумушлар.
АБНА- Хәбәр Аҝентлији
Диггәт: Хәбәрдән истифадә етдикдә мәнбәјә истинад лазымдыр
