Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Ләнкәранын Болади кәнд сакини "Сумгаjыт ҹамааты" адлы террорчу груплашманын "әмири" сечилибмиш
“Талыш Агил” ләгәбли Агил Һаҹыjевин едам олунаҹағы билдирилир
Азәрбаjҹанлы дөjүшчү Суриjада әсир ҝөтүрүлүб.
әсир ҝөтүрүлән шәхс “Ҹунду-Шам’’ силаһлы груплашмасынын тәркибиндә вурушан “Сумгаjыт ҹамааты”нын әмири, “Талыш Агил” ләгәбли Агил Һаҹыjевдир.
О, “Әл-Нүсра Ҹәбһәси” силаһлы груплашма үзвләри тәрәфиндән тутулуб вә шәриәт ганунлары илә барәсиндә едам һөкмү чыхарылыб. Онун jахын ҝүнләрдә едам олунаҹағы билдирилир.
Мәлуматда һәмчинин геjд олунур ки, “Ҹунду-Шам’’ силаһлы груплашмасынын бүтүн үзвләри Суриjа әразисиндән говулуб. Онларын бөjүк әксәриjjәтинин азәрбаjҹанлы олдуғу билдирилир
Сумгаjыт һүгуг-мүһафизә органларындан АПА-jа билдирилиб ки, Агил Тағы оғлу Һаҹыjев Ләнкәран раjонунун Болади кәндиндә анадан олуб. Сумгаjытда хәвариҹи дини тәригәтинин үзвү олан бир ханымла аилә гуран А. Һаҹыjев бир нечә ил әввәл аиләсини дә ҝөтүрәрәк Суриjаjа ҝедиб.
Һүгуг-мүһафизә органларындан А. Һаҹыjевин һазырда Суриjада олмасы барәдә мәлуматлара малик олдуғуну билдирсәләр дә, онун әсир ҝөтүрүлмәси барәдә хәбәрсиз олдугларыны деjибләр.
Геjд едәк ки, хәвариҹиләрин Сумгаjытдакы әмири Елчин Әкбәров исә Дахили Ишләр Назирлиjинин 2013-ҹү илин декабрында кечирдиjи хүсуси әмәлиjjат заманы һәбс едилиб. Е. Әкбәров өтән ил декабрын 11-дә Сумгаjытда хәвариҹиләрлә сәләфиләр арасында баш вермиш силаһлы мүнагишә илә бағлы тутулуб. Һәмин инсидент заманы Сумгаjыт шәһәр сакинләриндән Анар Рәһимов вә Елмар Мәммәдли бычаг хәсарәтләри, Тәзә Ҹорат гәсәбәсинин сакинләри Елшән Мусаjев вә Елнур Нәзәрәлиjев исә гәлпә jаралары алыблар.
Диггәт: Хәбәрдән истифадә етдикдә мәнбәjә истинад лазымдыр
Lənkəranxeber.az
