Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Ираг Республикасынын “Дәҹлә Әмәлијјаты” ады алтында јаратдығы анти-террор индарәнин командири Ҝенерал Әбдүл Әмир Зејди јајымладығы бәјанатда билдириб: “Дүнән сүбһ радәләриндә өлкә тәһлүкәсизлик гүввәләринин Кәркүк әјаләтиндә мүштәрәк һәјата кечиртдикләри әмәлијатлар нәтиҹәсиндә гондарма “Ираг вә Шам Ислам Дөвләти” адлы азғын јараглы груплашманын ән тәһлүкәли командирләриндән бири јахаланыб.”
Ҝенерал Әбдүл Әмир Зејди даһа сонра билдириб: “Һәбс олунан үнсүр “ИШИД” террорчу груплашманын әсас шахәләриндән биридир. О, Кәркүк әјаләтиндә бомба гурғулары илә јүкләнмиш машынлар васитәси илә, һәјата кечирилән террор әмәлијјатларынын баш мәсулудур. Һазырда јараглы истиндаг вә тәфтиш ишләринин тамамланмасы мәгсәди илә, тәһлүкәсизлик гүввәләринә аид мәркәзләрин биринә ҝөндәрилиб.”
Гејд едәк ки, Бағдадын шимал истигамәти илә 250 км мәсафәдә јерләшән Кәркүк әјаләти демәк олар ки, даим террор актлары илә үзләшән әјаләтдир.
Түркијә васитәси илә Кәркүк әјаләтинә нүфуз едән јараглыларын әсас һәдәфләри сакинләр вә Ираг Тәһлүкәсизлик Гүввәләринин әмәкдашларыдыр.
АБНА- Хәбәр Аҝентлији
Диггәт: Хәбәрдән истифадә етдикдә мәнбәјә истинад лазымдыр
