Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, мартын 21-дә Русиjа президенти Владимир Путин Украjна торпағы Крымын федерасиjаjа бирләшдирилмәсини нәзәрдә тутан мүгавиләни имзалаjыб.
Дөвләт башчысы Крым Республикасы вә Севастопол шәһәринин әсасында Крым Федерал Даирәси jарадыб. Бу федерал даирәдә президентин сәлаһиjjәтли нүмаjәндәси посту Олег Булавинтсевә һәвалә олунуб.
Парламентин һәр ики палатасында тәсдигләнән мүгавиләни мартын 18-и Москвада Русиjа президенти Владимир Путин, Крым парламентинин сәдри Владимир Константинов, Крымын баш назири Серҝеj Аксjонов вә Севастопол шәһәринин мери Алексеj Чалыj имзалаjыблар.
Мүгавиләjә әсасән, Крымда дөвләт дили рус, Украjна вә крымтатар дилләри олур. Крымын вә Севастополун һүдудлары дөвләт сәрһәди саjылыр. Јарымадада jашаjан Украjна вәтәндашлары вә даими jашаjыб вәтәндашлығы олмаjан шәхсләр Русиjа вәтәндашы һесаб олунур. 2015-ҹи ил jанварын 1-нә кими кечид дөврү мүәjjән олунур вә бу мүддәтдә jени субjектләрин Русиjа Федерасиjасына интеграсиjасы мәсәләләри һәлл олунур.
Диггәт: Хәбәрдән истифадә етдикдә мәнбәjә истинад лазымдыр
