Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Дүнjа Мүсәлманларынын Али Тәглид Мәрҹәси Аjәтуллаһил Узма Сүбһани ҹәнаблары бу ҝүн Мәсмәjи Гум шәһәриндәки Әзәм Мәсҹидиндә jениjетмә иҹтиһадчылара вердиjи Фигһ Үсулу мәрузәсинин сонунда билдириб: “Баjрама әрәб дилиндә она ҝөрә “еjд” деjирләр ки, әввәлки нөгтәjә дөнүш мәнасыны дашыjыр. Мисал олараг гәдим халгларын Ҝүнәшин jенидән Гоч бүрҹүнә гаjытдығы вахты баjрам етдикләрини ҝөстәрмәк олар.”
Аjәтуллаһил Узма Сүбһани ҹәнаблары даһа сонра деjиб: “Гурани Кәримин аjәләринә диггәт jетирсәк ҝөрәрик ки, Илаһи бәрәкәтин инсанлара верилдиjи анлар баjрам саjылыр. Мисал үчүн һәзрәти Иса (әла нәбиjjинә вә алиһи вә әлеjһи сәлам) Пеjғәмбәр Аллаһ Тәаладан сәмави (Беһишт) немәтләри өзү вә шаҝирдләри үчүн назил етмәсини истәдикдә белә әрз едир: Мән бу ҝүнү мәсиһиләр үчүн баjрам гәрар верирәм.”
Али Тәглид Мәрҹәси сонра деjиб: “Ҹүмәнин “ҝүнләрин ағасы” вә баjрам гәрар верилмәси хүсуси Илаһи бәрәкәтләрин мәһз бу ҝүндә олмасына ҝөрәдир.”
Дүнjа Мүсәлманларынын Али Тәглид Мәрҹәси даһа сонра вурғулаjыб: “Пак Имамларымызын (әлеjһимус сәлам) доғум ҝүнләрини дә баjрам гәрар вермәjмиз мәһз бу ҝүндә Илаһи бәрәкәтин jәни бу даһиләрин назәнин вүҹудларынын Алаһ Тәала тәрәфиндән бәшәриjjәтә нәсиб олмасы илә бағлыдыр.”
Аjәтуллаһ Сүбһани ҹәнаблары даһа сонра Новруз баjрамына ишарә едәрәрк билдирибләр: “Новрузда һеч бир Илаһи хүсусиjjәт jохдур бу ҝөрә дә Новрузу Ислам баjрамларындан саjмаг дүзҝүн деjил. Лакин ҝөзәл бир адәтдир бир шәртлә ки, халг өз рәтарларында вә сүфрә башларында ҝүнаһа jол вермәсинләр. Радио вә Телевизиjа да бу мәсәләдә диггәтли олмалыдыр.”
Гум Елми Һөвзәнин бөjүк елм устадларындан бири олан Аjәтуллаһ Сүбһани ҹәнаблары даһа сонра вурғулаjыб: “Јени Или гаршылаjан заман охунан дуаны Аллаһ тәалаjа jахынлашмаг вә ҝүнаһдан узаг олмаг мәгсәди илә охуjун. Ҝүнаһ едилмәjән ҝүн Илаһи лүтф инсана шамил олур вә о ҝүн баjрам саjылыр. Јени илин гаршыланма мәрасими мүтләрг садә формада кечирилмәли вә һәр һансы ҝүнһадан горунмалыдыр. Бу ил исә “Новруз” Фатимиjjә Ҝүнләринә тәсадүф едир, Ханым Фатимәнин (сәламуллаһи әлеjһа) шәни горунмалыдыр.”
Диггәт: Хәбәрдән истифадә етдикдә мәнбәjә истинад лазымдыр
