Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Еjни заманда ҝөрүшдә Иран вә Русиjа арасында бүтүн саһәләрдә икитәрәфли әлагәләрин ҝенишләндирилмәси мәгбул саjылыб, мүнасибәтләрин даһа да инкишаф етдирилмәси үчүн jени jолларын ахтарылыб тапылмасы вурғуланыб.
Һ.Руһани Иранын нүвә мәсәләсиндә “алтылыг” өлкәләри илә jекун разылашманын әлдә олунмасы үчүн ваҹиб мәрһәләдә олдуғуну билдириб. Иран президенти һәмчинин Русиjанын “алтылығ”а үзв өлкәләрдән бири кими бу мәсәләдә мүсбәт рол оjнадығыны деjиб: “Диҝәр үзв өлкәләр дә конструктив мөвге нүмаjиш етдирмәклә вә өз өһдәликләрини jеринә jетирмәклә мәсәләнин сүрәтлә һәллинә jардым ҝөстәрә биләрләр”.
В.Путин дә өз нөвбәсиндә вурғулаjыб ки, Иранла Русиjа арасында игтисади саһәдә әмәкдашлығын инкишафы просеси сүрәтләндирилмәлидир: “Мән ики өлкә арасында игтисади саһәдә әмәкдашлығын даһа да ҝенишләндирилмәси үчүн чалышаҹағам”.
Русиjа президенти һәмчинин Иранын “алтылыг” өлкәләри илә нүвә мүзакирәләриндәки мүсбәт вә конструктив мөвгеjинә дә тохунараг, бу jанашманын давам етдириләҹәjинә үмидвар олдуғуну сөjләjиб: “Биз һамымыз Иранын нүвә мәсәләси илә бағлы jекун нәтиҹәнин әлдә олунмасына чалышырыг”.
Еjни заманда Русиjа президенти иранлы һәмкарыны бу илин сентjабрында Һәштәрханда кечиририлмәси планлашдырылан Хәзәрjаны өлкәләрин дөвләт башчыларынын саммитинә дәвәт едиб.
Еjни заманда һәр ики лидер реҝиондакы сон просесләри, хүсусилә Украjнадакы вәзиjjәт вә онун доғурдуғу нәтиҹәләр, диҝәр реҝионал вә глобал мәсәләләрлә бағлы да фикир мүбадиләси апарыблар.
Диггәт: Хәбәрдән истифадә етдикдә мәнбәjә истинад лазымдыр
