Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Суриjанын Јабруд уғрунда дөjүшләриндә Суриjа ордусунун Һизбуллаһла мүштәрәк әмәлиjjатлары уғурла давам едир.
“Әл Кувеjти” jүксәклиjинин әлә кечирилмәсилә Рима фермалыглары тамамилә әлә кечдикдән сонра, бүтүн стратежи jүксәкликләр дә Һизбуллаһ тәрәфиндән әлә кечирилиб.
Суриjадакы тәкфирчи груплашмалар чох саjда итки вердиjи вә гачмаға башладығы өнә чәкилир.
"әл Аләм" исә саһәләрдә террорчуларын ҹәсәдләрини jаjымлаjыр, Иранын әрәб дилли каналынын билдирдиjинә ҝөрә, террорчуларын Јабруду тамамилә итирмәсинә аз галыб.
Бу арада Ливанын "Әл Мәjадеен" телеканалы да мараглы мәлуматлар jаjыб. Әрәб дилли каналын билдирдиjинә ҝөрә, Суриjа ордусу Һизбуллаһын дәстәjилә бүтүн стратежи әһәмиjjәтли jүксәкликләри әлә кечириб. Террорчуларын әксәриjjәти артыг мәғлубиjjәти анлаjараг гачмаға башлаjырлар, лакин бәзи террорчулар сона кими вурушаҹагларыны вә диҝәр террорчулардан jардым ҝәләҹәjини дүшүнүрләр. Белә террорчуларын саjынын чох аз олдуғу өнә чәкилир.
Террорчулара бағлы сосиал шәбәкә профили ишләдәнләр исә Јабруд хәjанәтини "Нусра Ҹәбһәси" башда олмагла диҝәр террорчу груплашмаларын рәһбәрләринә бағышламаjаҹагларыны билдирирләр.
Геjд едәк ки, Суриjада диҝәр ҹәбһәләрдә дә Суриjа ордусунун уғурлу әмәлиjjатлары давам едир. Өлкә боjу jүздән чох террорчунун өлдүрүлдүjү рәсми дөвләт телеканалы васитәсилә билдирилиб.
Диггәт: Хәбәрдән истифадә етдикдә мәнбәjә истинад лазымдыр
