Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Русиjа мәтбуатында jазылан мәгаләдә Алманиjа вә Бирләшмиш Штатларын Русиjанын Крыма гошун чыхармасы илә бағлы апардығы оjун шәрһ едилиб. Мәгаләдә Москванын Крымы һәрби нәзарәтә ҝөтүрмәси фактындан Алманиjанын шока дүшдүjү jазылыр.
Гәрб мәтбуаты һадисәләри Авропада сүлһүн тәһлүкә алтында олмасы, jени соjуг савашын башланмасы, Русиjанын дүнjадан тәҹрид олунмасы кими дәjәрләндириб. Рус гошунлары бир атәш белә ачмадан Крым jарымадасына дахил олуб. Украjна гошунлары, о ҹүмләдән Крымда jерләшән һәрби һиссәләр дөjүш һазырлығы вәзиjjәтинә ҝәтирилиб.
Амма тәрәфләр арасында һеч бир гаршыдурма олмаjыб. Москва Крымдакы Украjна һәрбчиләринә Русиjа паспортларыны алмағы тәклиф едиб. Башга сөзлә десәк, Русиjа паспорту Украjна ордусуна гаршы дөjүшүр. Мәгаләдә һәрбчиләрин Русиjа вәтәндашлығыны алмагдан имтина етдикләри билдирилир. Украjна Һәрби Дәниз Донанмасы Севастополу тәрк едиб вә бунунла да jарымада бүтүнлүклә Русиjанын нәзарәти алтына кечиб. Украjнанын jени баш назири Арсениj Јатсенjук Русиjа тәрәфиндән Украjнанын ишғалы фактынын баш вермәдиjини, Украjна һәрбчиләринин Крымда хидмәт чәкдиjини вә тәхрибатлара ҝетмәдиjини билдириб. Гәрб мәтбуатынын фикринҹә, бу ҹүр ачыглама Украjна дөвләтчилиjинин ифласы демәкдир.
АБШ-ын дөвләт катиби Ҹон Керри баш верәнләрлә бағлы бунлары деjиб: "ХХI әсрдә уjдурулмуш сәбәбләрлә башга өлкәнин әразисинә сохулмаг олмаз." Инанмаг олмур ки, бу кәлмәләри Јахын Шәргдә гануни һөкумәтләри девирән бир дөвләтин рәсмиси деjир.
Бу арада Реутерс баш верәнләрин Русиjа вә АБШ арасында соjуг мүһарибә дөнәминдән бәри ҝөрүнмәмиш гаршыдурма jаратдығыны геjд едиб. Мәгаләдә, һәмчинин деjилир ки, һадисәләрин бу ҹүр ахары Русиjа илә НАТО арасында мүәjjән ҝәрҝинлик jарада биләр. Мәсәлән, Русиjа-НАТО шурасыныын нөвбәти топлантысы баш тутмаjа биләр. Бундан әлавә, Русиjа сәрһәдләриндә даһа чох НАТО гүввәләринин jерләшдирилмәси мүмкүндүр. АБШ һәрби ҝәмиләри Гара дәнизә чыхарылар (амма Түркиjәнин буна иҹазә верәҹәjи инандырыҹы ҝөрүнмүр.) НАТО өлкәләринин Русиjа сәрһәдләринә һава нәзарәти артырыла биләр вә саир. Амма һадисәләрин ҝедиши бүтүн бунлары тәкзиб едир. НАТО-нун тәләсик топланты кечирмәклә просесдән кәнарда галмаға чалышдығыны сөjләмәк олар. Геjд едәк ки, Украjна НАТО-нун үзвү деjил, амма 1994-ҹү илдән «Сүлһ наминә тәрәфдашлыг» програмында иштирак едир.
“Nеw Yоrk Тimеs” гәзети тәзjигләрлә В.Путини Крымдан ҝери чәкилмәjә мәҹбур етәмәjин мүмкүн олмадығыны jазыр. АБШ-ын Русиjада тиҹарәт дөвриjjәси үмуми һәҹмин jалныз 1%-ни тәшкил едир. Гәрб дөвләтләри Русиjаjа гаршы санксиjаларын тәтбигиндән һәвәссиз данышырлар.
Мартын 3-дә Алманиjа игтисадиjjатынын Шәрг комитәсинин иҹрачы директору Раjнер Линднер вә алман ишҝүзар даирәләри Русиjаjа гаршы санксиjалар тәтбиг етмәмәjә чағырыб. Линдлерин фикринҹә, санксиjалар Русиjанын гәрбә гаршы санксиjаларына ҝәтирәҹәк.
АБ исә Русиjа илә визасыз режим тәтбиги әтрафында данышыглары дурдураҹағыны, аjры-аjры Русиjа мәмурларынн АБ-jә ҝиришини гадаған едәҹәjини вә онларын Авропа банкларындакы һесабларынын дондурулаҹағыны билдириб. Диҝәр тәрәфдәнсә, Ҝ8 -дән Русиjаны чыхармагла һәдәләjирләр. Канада, Франса, Алманиjа, Италиjа, Јапониjа, Инҝилтәрә вә АБШ лидерләри Русиjанын Крыма һәрби интервенсиjасыны тәнгид едибләр. Онлар Русиjа вә Украjнаны бирбаша данышыглара чағырыблар.
АБШ вә АБ Русиjаны Крымдан чәкилмәjә вә орада беjнәлхалг сүлһмәрамлылары jерләшдирмәjә чағырыр. Тимес jазыр ки, әҝәр сөһбәт һәрби мүнагишәдән ҝедирсә, Гәрб бу мәсәләдә аҹиздир.
Һәр шеj В.Путинин һүҹум сиjасәтини нә гәдәр исрарла давам етдирмәсиндән асылыдыр. “Nеw York Тimеs” Б.Обаманын Русиjанын Украjнанын даһа чох әразисини ишғал етмәмәси үчүн Москваны тәҹридетмә сиjасәти илә чәкиндирмәjә чалышыр.
Британиjанын “Dаily Теlеgrаpһ” гәзети исә Украjнанын jени һөкумәтинин Крымын ишғалы илә барышдығыны вә өлкәнин ҹәнуб-шәрг бөлҝәләрини ишғалдан горумаға чалышдыгларыны jазыр.
Ҝөрүндүjү кими, артыг нәинки Украjна , һәмчинин Гәрб дә Крымын илһагы илә разылашыб.
Диггәт: Хәбәрдән истифадә етдикдә мәнбәjә истинад лазымдыр
