Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Бакынын “Советски” кими танынан әразисиндә jашаjан сакинләрин нүмаjәндәләри илә Јасамал Раjон Иҹра Һакимиjjәтиндә ҝөрүш башлаjыб. Ҝөрүшдә иҹра башчысы Ибраһим Меһдиjевлә jанашы, баш назирин мүавини Абид Шәрифов да иштирак едиб.
“Советски”нин өзүндә дә сакинләр jенидән 173 саjлы мәктәбин гаршысына топлашыблар. Әразиjә дәрһал чохлу саjда полис гүввәләри ҹәлб олунуб. Полисләр мәктәби мүһасирәjә алараг, әразидә ППХ машынлары кешик чәкмәкә башлаjыб.
Һадисә jериндән верилән мәлумата ҝөрә, полисләр сакинләри дағытмаға чалышыб. Онлар ҹанлы сәдд гурараг инсанлары мәктәбин гаршысына бурахмырлар. Топлашанлара гаршы зор ишләдиләҹәjи һагда хәбәрдарлыг едилиб. Бир нечә нәфәр сахланылыб.
Лакин полисин тәзjигинә бахмаjараг сакинләр дағылышмаjыб вә етиразларыны чатдырмаға чалышыблар. Бундан башга, онлар сахланыланларын сәрбәст бурахылмасыны тәләб едиб вә Иҹра Һакимиjjәтиндә ҝөрүшдә олан нүмаjәндәләринин нә ҹавабла гаjыдаҹагларыны ҝөзләдикләрини деjибләр.
Сакинләр онлара сон гиjмәт кими тәклиф олунан һәр кв.метр үчүн 1500 манатла разылашмаг ниjjәтиндә олмадыгларыны билдирибләр.
Сакинләр бу кими етиразлар едибләр: “Биз һаггымызы тәләб едирик; Ја нормал компенсасиjа, jа да евимизин jеринә ев версинләр; Дағылышан деjилик, гоj ҝәлиб һамымызы гырсынлар, сонра сөксүнләр; Бу гәдәр полиси бура ниjә төкүбләр?; Президент сәсимизә сәс версин, ону сечмишик ки, дәрдимизә jансын; Гиjмәт бизи разы салмыр; Деjирләр ки, евләри сичан jувасына, гушханаjа охшаjыр. Өз евимиздир, бизә хошдур...”.
Етираз едән сакинләрдән бири Әфлатун Меһдиjев деjиб ки, һөкумәтин тәклиф етдиjи 1500 манатла о, ев ала билмәjәҹәк: «60 мин маната мән нә ала биләрәм? Бәлкә президентә башга информасиjа верирләр?».
Башга бир сакин: “Бизи jеримиздән-jурдумуздан едирләр. Һарада jашаjаг? Елә пул версинләр ки, ев ала биләк, jа да шәһәрдә тикилән евләрдән версин. Милиси ниjә төкмүсүнүз бура, гол ҝүҹүнүзү бизә ҝөстәрирсиниз? Ја бурда өләрик, jа да евимиз тәләб едәрик. Гәддафини ҝөзүнүзүн габағына ҝәтирин”.
Бир башга мәһәллә сакини: “Президент деди мәни сечин jахшы олаҹаг, биздә сечдик. Белә jахшы олду, белә jахшылыг етди бизә? Гоjун сүрүсү кими төкүрләр бизи күчәләрә. Фикир азадлығы варса, ниjә бизә азад сөз демәjә имкан вермирләр?”.
Диггәт: Хәбәрдән истифадә етдикдә мәнбәjә истинад лазымдыр
