Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Азәрбаjҹан Республикасы вә Иран Ислам Республикасы арасында Беjнәлхалг автомобил әлагәләри саһәсиндә Бирҝә Комиссиjанын Бакыда кечирилән үчүнҹү иҹласы баша чатыб.
Иран Ислам Республикасынын Азәрбаjҹандакы сәфирлиjинин мәтбуат хидмәтиндән верилән мәлумата ҝөрә, февралын 13 вә 14-дә кечирилән иҹласда ики өлкәнин Беjнәлхалг автомобил әлагәләри саһәсиндә 2002-ҹи илдә имзаланан сазишинин мүддәаларынын иҹрасынын сон вәзиjjәти арашдырылыб, ики өлкәнин сәрнишин вә jүк дашымаларындакы проблемләрин һәлли вә диҝәр мәсәләләр һаггында фикир мүбадиләси апарылыб.
Иҹласда һәр ики тәрәф автомобил әлагәләри саһәсиндәки тәбии ишләрдән разылыг ифадә едиб вә игтисади әмәкдашлыг тәшкилаты, ТРАСЕКА вә шимал-ҹәнуб дәһлизи чәрчивәсиндә бирҝә әмәкдашлығын давам вә инкишаф етдирилмәси истигамәтиндә анлашма әлдә олунуб. Һәмчинин тәрәфләр разылыға ҝәлибләр ки, еһтиjаҹ оларса, ики өлкә арасында jени автобус хәтләринин ачылмасы үчүн лазыми аддымлар атылсын.
Иран Ислам Республикасы тәрәфи тәклиф едиб ки, Биләсувар вә Астара ҝөмрүк кечид мәнтәгәләриндә автобусларын вә ири тоннажлы jүк машынларын тыхаҹ вә сыхлыг проблеминин һәлли үчүн кечид мәнтәгәләринин иш сааты артырылсын, ири тоннажлы jүк машынларын Бакы ҝөмрүjүндә даjанма мүддәти азалдылсын. Гәрара алыныб ки, бу мәсәләләр Азәрбаjҹан тәрәфиндән арашдырылсын.
Иран Ислам Республикасынын нүмаjәндә һеjәтинә Иран Ислам Республикасынын Нәглиjjат Назирлиjинин Автомобил Јоллары вә Јүк Дашымалары үзрә Баш Идарә рәиси Мәһәммәд Ҹавад Әтрчиjан, Азәрбаjҹан нүмаjәндә һеjәтинә исә Дөвләт Автомобил Нәглиjjаты Хидмәтинин рәиси Һүсеjн Саламов рәһбәрлик едиб.
Азәрбаjҹан Республикасы вә Иран Ислам Республикасы арасында Беjнәлхалг автомобил әлагәләри саһәсиндә Бирҝә Комиссиjанын нөвбәти иҹласы Теһранда кечириләҹәк.
Диггәт: Хәбәрдән истифадә етдикдә мәнбәjә истинад лазымдыр
