Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, гондарма “Азад Суриjа Ордусу”нун ганады саjылан азғын “Сәгурул Ислам” алаjынын командири Мустәфа Әбдуллаһ jараглылара аид хәбәр аҝентликләринә вердиjи мүсаһибәсиндә билдириб: “Ираг вә Шам Ислам Дөвләти груплашмасын командирләриндән бири олан Әбу Өмәрин гәрәрҝаһына дахил олдугда, чох мурдар бир гохунун ҝәлдиjини һисс етдик. Баша дүшдүк ки, гәрәрҝаһ jахынлығында һардаса үфунәтли меjит сахланылыр”.
“Сәгурул Ислам” алаjынын командири гәрәҝаһ jахынлығындакы гуjу вә зибил ханалыгда сахланылан 40 ҹәсәдин ашкарландығына ишарә едәрк деjиб: “Ҹәсәдләр зибил илә өртүлмүшдүр. Онлар ҹәсәдләри әлибағлы сүрәтдә ҝизли jерләрдә бастырмышлар ки, һеч ким ҹәсәдләрин кимлиjини таныjа билмәсин...”
Билдирәк ки, артыг ики илдир ки, гондарма “Азад Суриjа Ордусу” (АСО) адлы груплашма илә гондарма “Ираг вә Шам Ислам Дөвләти” (ИШИД) адлы “тәкфирчи” jараглылар арасында ганлы гаршыдурмалар давам едир. Тәкҹә өтән аj әрзиндә баш вермиш гарыдурмалар заманы һәр ики тәрәфдән 2000-ә jахын jараглынын өлдүрүлдүjү геjд олунуб.
Геjд едәк ки, әслән күвеjтли олан Әбу Өмәр ики ил jарым бундан габаг Суриjанын сәрһәд зонасында jерләшән Әтмә гәсәбәсиндә дини фәалиjjәтлә мәшғул олуб. О, бү мүддәт әрзиндә өзүнү силаһлылардан узаг олан Хәтиб вә Моизәчи кими танытдырыб, лакин бир мүддәт кечдикдән сонра халг тәрәфиндән онун Мәсҹиддә фәалиjjәт ҝөстәрмәсинә гадаған гоjулдугдан сонра, Әбу Өмәр өз һәгиги “тәкфирчи” симасыны ашкар едиб. Буна ҝөрә дә о, Мәсҹиддә чыхыш етмәк үчүн гондарма “Ираг вә Шам Ислам Дөвләти” адлы азғын “тәкфирчи” jараглыларындан jазылы мәктуб алараг Әтмә гәсәбәсинә гаjыдыб. Бир мүддәт кечдикдән сонра исә Әбу Өмәр гәсәбә сакинләриндән бир нечәсинин оғурланмасында ҝүнаһландырылыб. Күтләви инсан мәзарлығынын кәшфиндән сонра, Әбу Өмәрин иттиһамлары артыг сүбута jетирилиб.
Диггәт: Хәбәрдән истифадә етдикдә мәнбәjә истинад лазымдыр
