Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, сионист режими вә империалист өлкәләр тәрәфиндән дүнjанын беш бир гитәсиндән Суриjаjа “Мүгавимәт Һәракаты”на зәрбәләр ендирмәк мәгсәди илә ҝәтиздирилмиш азғын “сәләфи- тәкфирчи” jараглылары, өтән ҝүн, Ислам Пеjғәмбәринин (сәлләллаһу әлеjһи вә алиһ) гыз нәвәси, Имам Һүсеjнин (әлеjһис сәлам) доғма гызы, Кәрбәла фаҹисәинин ҹанлы шаһиди, һәзрәти Ханым Сүкеjнәнин (Азәрбаjҹанда она Сәкинә Ханым деjилир (сәламуллаһи әлеjһа)) һәрәмини минаатан топларла атәшә тутублар.
Суриjадан алдығымыз мәлумата ҝөрә, Ханым Сүкеjнәнин (сәламуллаһи әлеjһа) һәрәминин гызыл ҝүнбәзи “вәһһаби” үнсүрләринин ачдыглары топ атәшләри нәтиҹәсиндә дағыдылыб.
Геjд едәк ки, өтән аj Суриjа Милли Ордусу Дәмәшг әjаләтиндә jерләшән һәзрәти Сеjjидә Сүкеjнәнин (сәламуллаһи әлеjһа) пак һәрәмини хариҹ дөвләтләр тәрәфиндән малиjjәләшдирилән азғын “тәкфирчи- сәләфи” вәһшиләринин ҹаjнагларында азад етмишләр. Јараглы үнсүрләр һәрәми ҝери гаjтармаға чалышсаларда буна наил олмадыглары ҝөрдүкдә Ислам Пеjғәмбәринә (сәлләллаһу әлеjһи вә алиһ) тәһгир олараг Ханым Сүкеjнәнин (сәламуллаһи әлеjһа) пак һәрәмини бир баша минаатан топлар илә һүҹума мәруз гоjублар.
Диггәт: Хәбәрдән истифадә етдикдә мәнбәjә истинад лазымдыр
