Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Јевлахда әлил Низами Кәримовун өзүнү jандырмасындан сонра Јевлах раjон Әһалинин Сосиал Мүдафиә Мәркәзинин директору Рөвшән Мәһәррәмов ишдән азад едилиб.
Бу хәбәри “Јени Мүсават”ын репортjор групу бөлҝәдә оларкән әлдә етдиб.
Мәркәзин директор әвәзи Натиг Мәммәдов исә тәҹили Бакыjа - Әмәк вә Әһалинин Сосиал Мүдафиәси Назирлиjинә чағырылыб. Јевлах ӘСММ-нин әмәкдашлары дедиләр ки, директор әвәзи jени тәjин олунуб, о да паjтахта jола дүшүб, вәзиjjәт ҝәрҝиндир. Одур ки, идарәдә ара гарышыб, мәзһәб итиб.
“Анам пенсиjа алдығы үчүн мәнә jардым вермирләр”
Мәркәздә вәтәндашларын гәбулу вә идарәчилик илә бағлы хаотик вәзиjjәт jараныб. Јевлах ӘСММ-дә исә әлилин өзүнү jандырмасындан сонра сүрүндүрмәчилик, ганунсузлуг һаллары давам етмәкдәдир.
Мәркәзин гаршысында шикаjәтини динләдиjимиз jерли сакин Нәзәр Мәммәдовун дедикләриндән: “Мән Халданын Гушчу кәндиндә jашаjырам. Фүзулидә дөjүшмүшәм, jараланмышам вә башымда гәлпә вар. Үч jердән әмәлиjjат олунмушам вә әмәк габилиjjәтим jохдур. Бу ҝүнә ким пенсиjа алырдым. Сон артымдан сонра 128 манат пенсиjа алырам. Үч өвладым вар. Алдығым травмалардан сонра һәлә инди ҝәзмәjә башлаjырам. Бу 20 илдә инди аjаға галхмышам. Она ҝөрә дә ҝәлмишәм ки, мәнә сосиал jардым аjырсынлар”.
Маһмуд Сүлеjманов адлы Көjүк кәнд сакини исә һагсызлыгла үзләшдиjини деjир: “Мәним 90 jашлы анам вар. Анама ҝөрә мәнә сосиал мүавинәт вермәкдән имтина едибләр. Гардашым Әли Сүлеjманов Фүзулидә шәһид олуб. Бурада Рөвшән Мәһәррәмов мәни ҝет-ҝәлә салыб. Деjир ки, сәнә имтина дүшүр. Ҝуjа анамын пенсиjасы jашаjышыма бәс едир. Әввәла 6 баш күлфәтим вар. Анамын пенсиjасы бизә неҹә чата биләр? Икинҹиси дә анамын пенсиjасынын мәнә нә аидиjjаты вар, ахы..? Арвад о пенсиjаны алырса, мән сосиал jардым ала билмәрәм? Һарданса бир гәпик ҝәлиримиз jохдур. Рөвшән мүәллим һагсызлыг едир, бизә дүшән мүавинәти тәjин етмир. Президентә, Меһрибан ханыма мәктублар jазмышам. Рөвшән мүәллим деjир ки, ҝет, кимә истәjирсән, шикаjәт елә...”
“Ҝөлдә балыг сахлаjанлара, баһалы машыны оланлара мүавинәт верилир”
Јевлахын Нәмәрли кәндиндән ӘСММ-нә нөвбәти дәфә үз тутан Аjнурә Халгвердиjеванын һәjат jолдашы вәфат едиб, үч өвлады вар. Һазырда 87 jашлы атасынын евиндә jашаjырлар.
“Атам узун илләр мәктәбдә мүәллим ишләjиб. Бизә дә сосиал jардым үчүн имтина ҹавабы jазыблар. Газымыз, ишығымыз, ҝәлиримиз jохдур. Бизә деjирләр ки, атамын варлығыны ҝизләтмишик. Амма “советлик”дән алдығым сәнәддә атамын бизимлә jашадығы геjд олунур. Сәнәди дә Сосиал Мүдафиә Мәркәзинә тәгдим етмишик. Атам ҹәми 120 манат пенсиjа алыр. Деjирләр ки, ҝуjа онун пенсиjасыны jеjирик. Һеч о пул атамын дәрманларына, чөрәjинә чатмыр. Гышын ҝүнүдүр, бах ҝөрүрсүз, әjниндә галын бир палтары да jохдур. Алмаға имканымыз jохдур, нә еләjәк? Атам мүәллим олуб, ҹаныны бу милләтин jолунда гоjуб. Она пенсиjаны бизә ҝөрә кәсмәjибләр, 33 ил ишләдиjинә ҝөрә верирләр. Мәнә ниjә сосиал jардым дүшмәмәлидир?” - деjә шикаjәтчи гәзәбли шәкилдә суал едир.
Онун сөзләринә ҝөрә, гәбула ҝедиркән, деjирләр ки, имтина кағызы jазмышыг, һара истәjирсән, шикаjәт елә: “О кағыз парчасыны газана атыб, гаjнадыб, jемәк олмур, ахы..? Дүз бир илдир ки, бу идарәjә аjаг дөjүрәм. Онлара вердиjим сәнәдләри ҝери тәләб едирәм ки, апарыб, Бакыда ҝөстәрим. Гоj, орда десинләр ки, сәнә сосиал jардым дүшмүр. Һеч сәнәдләрими дә вермирләр. Ушагларым гышын ҝүнүндә “шәпит”дә ҝәзирләр. Бу раjонда 10 һектарларла ҝөлдә балыг сахлаjанлара, гара баһалы машыны оланлара, галстуклулара, костjумлулара jардым дүшүр, амма бизим кимиләрә jох... Мәҹбурам ки, мән дә өзүмү онларын баһалы машынларынын алтына атым, бәлкә онда дөвләт аjылар”.
А.Халгвердиjева билдирир ки, һәjат jолдашы Һорадиздә ән гызғын дөjүшләрдә иштирак едиб: “Баталjондан ҹәми 7 нәфәр сағ галмышды. Сәнәдләри дә елә орда галды. Һөкумәт онун мүһарибә иштиракчысы олмаслна ҝөрә, бир гәпик дә бизә jардым вермир. Сабаһ мүһарибә олса, елә билирсиз, бурда отуранлары дөjүшә чағыраҹаглар өлмәjә..? Хеjр, jенә бизи, аҹ-jалаваҹ jашаjанлары чағыраҹаглар. Елә вәзиjjәтә салыблар ки, Азәрбаjҹан вәтәндашы олмагдан утанырыг. Бу гәдәр нефт-газын ичәрисиндә jашадығымыз ҝүнә бах...”
Аjнурә ханымын jашлы атасы Рөвшән Халгвердиjев дә билдирир ки, күрәкәни рәһмәтә ҝедиб, она ҝөрә дә гызыны вә нәвәләрини өз евинә ҝәтириб: “Бир дахмам вар, ора jығышмышыг. Онлары говмаjаҹағам ки..? Отурублар, jанымда... 87 jашымда нә ишлә мәшғул олум, нә едим ки, бу jетимләри сахлаjым? Мәним пенсиjамы бәһанә едиб, сосиал jардым аjырмырлар. Белә ганун олмаз”.
“Башчынын сүбуту вар, “псих” демәjә..?”
Јевлахда өзүнү jандыран әлил Низами Кәримовун вәзиjjәти ағырлашыб. Һазырда 5 саjлы Клиник Хәстәхананын jаныг шөбәсиндә мүалиҹә алан әлилә баш чәкән интерпресс.аз-ын әмәкдашына верилән мәлумата ҝөрә, онун jанына һеч кәс, һәтта һәjат jолдашы белә бурахылмыр.
Хәстәхананын jаныг шөбәсинин мүдири Вүгар Әләкбәров Модерн.аз-а хәстәнин вәзиjjәти һаггында мәлумат вериб: “Хәстәнин вәзиjjәти ағырдыр. Бәдәнинин jухары һиссәсинин тәхминән 65-70 фаизи jаныб. Һәр ики jухары әтрафлар тамамилә 3-ҹү дәрәҹәли jаныг хәсарәти алыб”.
Өзүнү jандыран әлилин ханымы Зүлфиjjә Кәримова исә саjтын әмәкдашына деjиб ки, 2013-ҹү илин сон аjларындан етибарән сосиал jардым ала билмәjибләр: “4 аj иди ки, сосиал jардым бағланмышды. Бүтүн аилә ҝөзүнү дөвләтин вердиjи сосиал jардыма дикиб. Бир-ики аj сәсимизи чыхартмадыг. Нәһаjәт, jолдашым гәрара ҝәлди ки, раjон мәркәзиндә jерләшән сосиал jардым шөбәсинә мүраҹиәт етсин. Јолдашым ора ҝедәркән она орада деjибләр ки, “Ҝәрәк сосиал jардымын 6 аjыны биз алаг, 6 аjыны да сиз...”
З.Кәримова сосиал дурумларынын чох ағыр олдуғуну вурғулаjыб: “3 ушағымыз вар. Бөjүк гызым аиләлидир. Јердә галан икиси мәктәблидир. Ушагларым һәр дәгигә зәнҝ едиб, аталарыны сорушурлар. Һәгигәти деjә билмирәм. Ушагларым евдә ҝөзүjашлы галыб. Јолдашымын вәзиjjәти jахшы деjил, jаныг онун сифәтини пис һала салыб. Амма үмид едирәм ки, сағалаҹаг. Бу оjуну бизим башымыза ачанлардан әл чәкән деjиләм”.
О, иҹра башчысына да ҹаваб вериб: “Мәни jандыран әсас мәсәлә Јевлах раjону Иҹра Һакимиjjәти башчысынын jолдашыма “псих” дамғасыны вурмасыдыр. Бу сөзү һансы әсасла деjиб? Сүбуту вар, о сөзү ишләтмәjә..? Иҹра башчысынын jолдашыма “псих” демәси бүтүн гоһумларымызы аjаға галдырыб. Онун аjағы әлилдир, башы исә әлил деjил. Она деjибләр ки, “Киши деjилсән, өзүнү jандырмасан”. Јолдашымы өзүндән чыхарыблар. Һаггыны тәләб едәндә адам “псих” олур, бәjәм..?"
Диггәт: Хәбәрдән истифадә етдикдә мәнбәjә истинад лазымдыр
