Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Иран Ислам Республикасы хариҹи ишләр назири Мәһәммәд Ҹавад Зәриф Фәләстинин “ФӘТҺ” партиjасынын Мәркәзи Комитәсинин үзвү Ҹибрил Раҹуб илә ҝөрүшдә деjиб: “Иран Ислам Республикасы имкан вермәз ки, исраил режими дүнjа иҹтимаиjjәтинин диггәтини Фәләстинә гаршы етдиjи ҹинаjәтләрдән jаjындырсын”.
М.Ҹ.Зәриф билдириб ки, Иран Ислам Республикасы рәсмиләри Фәләстин мәсәләсини диггәтиндә сахлаjыр: “Сионист режиминин Фәләстин торпагларыны ишғалы фәләстинлиләрин әсас һүгугларыны позур. Сон илләр сионист режими Иран Ислам Республикасынын нүвә програмыны бәһанә ҝәтирәрәк, дүнjа иҹтимаиjjәтин диггәтини Фәләстиндә төрәтдиjи ҹинаjәтләрдән jаjындырмаг чалышырды. Биз әминик ки, Фәләстинин ҝәләҹәjи анҹаг фәләстинлиләр тәрәфиндән мүәjjән олунмалыдыр”.
Ҹ.Раҹуб исә өз нөвбәсиндә билдириб ки, “ФӘТҺ” паjтахты Гүдс олан мүстәгил Фәләстин дөвләти jарадылана гәдәр Исраилә гаршы мүбаризәни даjандырмаjаҹаг.
Диггәт: Хәбәрдән истифадә етдикдә мәнбәjә истинад лазымдыр
