Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, интиһара ҹәлб едилмиш Гарабағ мүһарибәси әлили мәрһум Заур Һәсәновун атасы Һәсән Һәсәнов jанварын 7-дә “Медиа форум” саjтына ачыглама вериб.
Заур Һәсәнов өтән ил декабрын 25-дә Бакыда, Һәмкарлар Иттифаглары Конфедерасиjасынын бинасы өнүндә үстүнә бензин төкәрәк өзүнү jандырыб. О, 1995-ҹи илдән бәри паjтахтын Бибиһеjбәт гәсәбәсиндә ишләтдиjи кафенин Һәмкарлар Иттифаглары Конфедерасиjасынын иддиасы илә сөкүлмәсинә етираз едиб. Мәсәлә бөjүк резонанс доғурдуғундан өлкә президенти ишә гарышыб вә декабрын 27-дә Азәрбаjҹан Һәмкарлар Иттифаглары Конфедерасиjасы Заур Һәсәновун аиләсинә аjда 1500 манат jардым вермәк гәрары чыхарыб. Сөкүлмүш обjектинә ҝөрә исә Заур Һәсәнова 100 мин манат өдәнилиб. Заур Һәсәнов декабрын 28-дә хәстәханада дүнjасыны дәjишиб.
Јанварын 7-дә Һәсән Һәсәнов вердиjи ачыгламасында деjиб: “Оғлумун интиһары илә бағлы һүгуг мүһафизә органларынын апардығы арашдырмадан һәр һансы jени хәбәр jохдур. Һадисә илә бағлы өлкә президентинә мүраҹиәт едилмишди. Гәрар верилмишди ки, ҹинаjәт иши ачылсын, амма һәлә һеч бир аддым атылмаjыб. Тәбии ки, шикаjәт едәҹәм. Тапсынлар ҝөрәк бу ишин сәбәбкары кимдир? Шәһәрин мәркәзиндә – Һәмкарлар Иттифаглары Конфедерасиjасынын, Конститусиjа Мәһкәмәсинин jерләшдиjи бинанын өнүндә ҝөрмәдиләр ки, о боjда адам өзүнү jандырыр? Бир нәфәр онун гаршысыны ала билмәjиб”.
Декабрын 29-да Бакынын Фәвварәләр меjданында Заур Һәсәновун өлүмү илә әлагәдар бир груп ҝәнҹ аксиjа кечириб. Бу аксиjаjа ҝөрә 6 нәфәрә инзибати һәбс ҹәзасы верилиб, 16 нәфәр исә ҹәримәләниб.
Һәсән Һәсәнов билдириб ки, бу аксиjадан хәбәри олмаjыб: “Оғлуму интиһар һәддинә чатдыранлара етираз олараг ҝәнҹләрин аксиjа кечирмәсиндән хәбәрим олмаjыб. Әҝәр онлар һәбс олунубларса вә онлара гаршы тәзjигләр варса, мән мүраҹиәт едәрәм ки, онлары бурахсынлар. Чүнки онлар һагг сөзләрини деjибләр. Һагг сөзүнү дедикләри үчүн инсаны һәбс едәрләр?!”
Заур Һәсәновун ики гардашы һәбсдәдир. Онлардан бири – Анар Һәсәнов 12 ил һәбс ҹәзасы алыб, 8 ил jарымдыр ҹәза чәкир. Һәсән Һәсәнов деjиб ки, һәбсдә олан өвладларындан Анарын Заурун jас мәрасиминдә иштирак етмәсинә иҹазә верилмәси, үмумиjjәтлә әфв олунмасы үчүн мүраҹиәт едәҹәк: “Анар 11 саjлы Ҹәзачәкмә Мүәссисәсиндә сахланыр. О, әфв әризәси jазыб, әризә лазыми инстансиjалара тәгдим едиләҹәк”.
Диггәт: Хәбәрдән истифадә етдикдә мәнбәjә истинад лазымдыр
