Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Иран Ислам Республикасында танынмыш Тәглид Мәрҹәси Аjәтуллаһ Ҹавади Амоли олкәнин Атом Енержиси Тәшкилатынын сәдри Әли-Әкбәр Салеһини гәбул едәркән билдириб: “Иран Ислам Республикасы нүвә силаһы истеһсал етмәк ниjjәтиндә деjил”.
Иран Ислам Республикасы вә "Алтылыг" арасында баш тутан сон нүвә разылашмасына тохунан Ҹ.Амили бу данышыгларда өлкә нүмаjәндәләринин дипломатик әдәб вә әхлага риаjәт етдикләрини деjиб: “Иран Ислам Республикасынын нүмаjәндәләри данышыгларда дипломатик гаjдалара, әдәб вә әхлага риаjәт едирләр. Бунунла белә, ҝөзүмүз ачыг олмалыдыр. Чүнки Гәрб Фирон кими рәфтар едир”.
Гурани Кәримин Бөjүк Тәфсирчиси, Мүҹтәһид Ҹавади Амоли данышыглар заманы Русиjа кими дөвләтләрә дә там шәкилдә етимад етмәкин дүзҝүн олмадығыны деjәрәк билдириб: “Русиjанын Америкадан jахшы олмасы фикри дүзҝүн деjил. Һәмин руслардыр ки, Икинҹи дүнjа мүһарибәси дөврүндә Иранда Тудә Партиjасыны вә һәрәкатыны дәстәкләмәклә, Азәрбаjҹаны әлләриндә сахламышдылар. Бунлар 11 ил Әфганыстаны ишғал алтында сахлаjан руслардыр. Садәҹә, бу ҝүн диҝәр өлкәләрлә проблемләри вар деjә, Ирана тәрәф ҝәлибләр”.
Диггәт: Хәбәрдән истифадә етдикдә мәнбәjә истинад лазымдыр
