Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, өән һәфтә, Иран Ислам Республикасынын Паjтахт Теһран, Мүгәддәс Гум, Мәшһәд вә Исфәһан шәһәрләриндә Суриjада адамjеjән вәһаби үнсүрләринә гаршы вурушан, Ханым Зеjнәбин (сәламуллаһи әлеjһа) һәрәминин мүдафиәсинә галхмыш Һәрби Бригада үзвләриндән Шәһид олмуш он нәфәрин пак ҹәсәдләри торпага тапшырылыб.
Әфганыстандан Иран Ислам Республикасына һиҹрәт етмиш Шиә мәзһәбинин давамчыларындан олан, Суриjаjа Ханым Зеjнәбин (сәламуллаһи әлеjһа) һәрәмини горумаға ҝедән, Шәһид Ибраһим Рзаи вә Нәҹибуллаһ Мирзаинин (Аллаһын сәлам вә бәрәкәти онлара назил олсун) ҹәсәдләри, Мүгәддәс Гум шәһәриндә jерләшән Имам Һәсән Әскәри (әлеjһис сәлам) адына Мәсҹиддән һәрәмә кими тәшjи олунмушлар.
Әфганыстанын Вилаjәти Меjдан әһалисиндән олан Шәһид Рзаи, бир нечә ил бундан өнҹә Ата вә Анасы илә, Иран Ислам Республикасына һиҹрәт етмишдир. Шәһид Нәҹибуллаһ Мирзаи исә, Иран Ислам Республикасында jашадығы илләр әрзиндә Ата вә Анасыны итирмиш, өз гардаш вә баҹылары илә бирҝә jашаjырмыш.
Бу ики Шәһидин пак бәдәнләри, Мүгәддәс Гум шәһәринин ҝиришиндә, Гум – Теһран магистирал jолу кәнарында jерләшән Беһишти Мәсумәдә (әлеjһис сәлам), Һәрәмин Мүдафиәсинә Галхмыш Шәһидләр үчүн аjрылмыш “Адсыз Шәһидләр” гисмәтиндә торпаға тапшырылыб.
Алдығымыз мәлумата ҝөрә, Әфганыстан Шиәләри, Паjтахт Кабулда Ханым Зеjнәбин (сәламуллаһи әлеjһа) һәрәминин мүдафиәси үчүн, jени “Фатимиләр Биригадасы” тәшкил верибләр.
Мгәддәс Гум шәһәриндә геjд олунан ики Гәһрәман Әфганыстанлы Шәһидләрин дәфн мәрасими илә jанашы Теһран, Мәшһәд, Исфәһан шәһәрләриндә дә, Суриjада Шәһид олан даһа сәккиз Әфганыстан Шиәләринин пак ҹәсәдләри бөjүк еһтирамла торпаға тапшырылыб.
Диггәт: Хәбәрдән истифадә етдикдә мәнбәjә истинад лазымдыр
