Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, бу ҝүн саат 16:00-да Бакы Ағыр Ҹинаjәтләр Мәһкәмәсиндә һаким Зеjнал Ағаjевин сәдрлиjи илә “Азадхебер.нет” саjтынын баш редактору Исламчы журналист Ниҹат Әлиjев вә Азәрбаjҹан Ислам Партиjасынын Гарадағ раjон комитәсинин ҝәнҹләр тәшкилатынын сәдри Елимхан Һүсеjнов олмагла диҝәр ШӘРЛӘНӘН Исламчылар Нәсиров Елвин, Ҹамалов Горхмаз, Һүсеjнов Самир, Тофигли Емин, Мәммәдов Сәфәр, Әлиjев Әлинин нөвбәти мәһкәмә иҹласы кечирилиб.
Просесдә тәгсирләндирилән шәхсләр Горхмаз Ҹамалов, Азәрбаjҹан Ислам Партиjасынын Гарадағ раjон комитәсинин ҝәнҹләр тәшкилатынын сәдри Елмхан Һүсеjнов, Емин Тофигли, Сәфәр Мәммәдов, Валеһ Абдуллаjев вә Әли Әлиjев сон сөзләри илә чыхыш едибләр.
Илк олараг Ҹамалов Горхмаз чыхыш едиб: “Бисмиллаһир Рәһманир Рәһим. Илк олараг һәр биринизи саламлаjырам, вәкилим Видади мүәллимә тәшәккүр едирәм ки, мүдафиәмин тәшкилини jүксәк сәвиjjәдә етди. Мән Азәрбаjҹан халгыны геjрәтли, вәтәнпәрвәр, милли, мәнәви, дини дәjәрләрә бағлы ҹәмиjjәт кими таныjырам. Өзүмүдә белә бир инсан кими билдиjимдән, “Авровизиа”әрәфәсиндә кечириләҹәк ҝеjпарада, үздән ирагларын парадына етираз етмәjи өзүмә борҹ билдим. Әлимә бунлара гаршы диск кечдикдән сонра паjланылмасыны өзүмә илаһи вәзифә билдим.
Азәрбаjҹан халгы 20 Јанварда вәтәнин үчүн ҹанындан кечиб. Бу ҝеj парады халгымыза jарасдыра билмәздим вә етиразымы етдим. Пешманда деjиләм.”
Даһа сонра сон сөзлә Азәрбаjҹан Ислам Партиjасынын Гарадағ раjон комитәсинин ҝәнҹләр тәшкилатынын сәдри чыхыш едиб. О, һамыны саламладыгдан сонра белә данышыб: “Бу әдаләтсиз мәһкәмә нәһаjәт ки, сона чатыр. Мән бәзи мәгамлара тохунмаг истәjирәм. Республика гәзетиндә “Милли тәһлүкәсизлик jүксәк сәвиjjәдә горунур” адлы jазыны охумушдум. Һәмин мәгаләдә биз милли ирги аjрысечкилик саланларын зәрәрсизләшдирилдиjи, һәтта һәбс едиләнләр Норвечдәки террорчуларла бир тутулур. Мән чох фикирләшдим ки, ҝеjпарада етираз дискләрини паjлаjан мәнлә норвечли террорчунун һансы охшарлығы вар. О, террорчудур биздән исә һечкимә зәрәр ҝәлмәз. Сонра бахдым ки, бу мәгаләни jазан Рамиз Меһдиjевдир. Һәзрәти Әли (әлеjһис сәлам) мүшрикләрлә дөjүшдән сонра деjир ки, мән бу фитнәнин ҝөзүнү чыхардым. Мән фәхр едирәм ки, мүсәлманам, Әли шиjjәсиjәм. Буну демәклә фитнәнин ҝөзүнү чыхардым. Адым Әлимханды. Гиjамәт ҝүнү инди неҹәjәмсә елә ҝәләҹәм, Бәс сиз олдуғунуз кими ҝәлә биләҹәксинизми? Өз әгидәнизлә ҝәлә биләҹәксинизми? Бизә ҹүрбәҹүр адлар гоjдулар. Диндара наркоман дедиләр.
(Үзүнү гондарма һакимә тутараг) Мән бу ҝүн сизи, бу ҝүнә гәдәр етдикләринизә ҝөрә, чыхараҹағыныз һөкумә ҝөрә бағышлаjырам. Бу мәним бөjүклүjимдүр, сизин исә кичиклиjиниздир. Раһат ҝедиб деjә биләрсининзки, тәгсирләндириләнләрдән бири бизи бағышлады. Азәрбаjҹанда 17 зон вар. Әгидәмизи һәр jердә jаjмалыjыг. Мән Һүсеjнчиjәм. Бағышламағымла чатдырмаг истәjирәм ки, биздән һеч кимә зүлм ҝәлмәз. Һеч кимин һаггыны тапдамарыг. Һәтта зүлм едәни дә бағышлаjа билирик. Ислам Партиjасынын сәдри Һаҹы Мөвсүм һагда нәjинки диндарлардан һәтта криминал аләмин инсанларындан да ешидирик ки, о инсандыр jохса мәләк?. Сәҹҹадәсиндә jатыр. Инсанлары һагга, намаза чағырыр. Онун кими иманлы инсан танымырам. О бир нурдур, биз дә о нурун зәррәләриjик.
Мән сизи бағышладым, бәс бу гәдәр инсанын наләсиндән неҹә чыхаҹагсыныз? Бирҹә Рүгәjjәләрин гулагларына әл атылмамағы галыб. Аллаһ Гуранда буjурур ки, Аллаһын һөкмү илә һөкм етмәjәнләр кафирдиләр, мүшрикдиләр, залымдылар. Деjирләр сиз сеjидсиниз, намазда гылырсыныз, гурбанда кәсирсиниз. Тарихдә Һарун әр-Рәшиддә вар иди. О бу ишләри ҝөрүрүрдү, лакин әдаләтли олмады, залым олду. Етдикләри пуча ҝетди. Инди сечим сизиндир, jа Аллаһын рәһмәти jа да ләнәти.
Сифаришли һәбсләр олдуғу кими, сифаришли гәтлләрдә тарихдә олуб. Азәрбаjҹанда Вагиф Абдуллаjев, Асим Мәммәдов олуб. Тутаг ки, бунларын өлүмү сифаришли өлүм деjилди. Бәс Нахчвыан МТН-дә Тураҹын өлдүрүлмәси барәдә сәнәдләр вар. Буна нә деjҹәкләр.
Һүрр Кәрбәлаjа ҝәләндә деjирди ки, өзүмү ҹәннәтлә ҹәһәннәмин арасында ҝөрүрәм. О, имама беjәтдән сонра бу һалын өзүндән чәкилдиjини билдирир. Јенә деjирәм сечим сизиндир jа Аллаһын рәһмәти, jа да ләнәти.
Һәзрәти Әли (әлеjһис сәлам) деjир ки, ахирәт үчүн чалышын. Дүнjада оланлар дүнjада галаҹаг. Сизин вәзифәниздә, мәгамынызда дүнjада галаҹаг. Мән бунлары демәли идим, һәдисдә деjир ки, һагдан данышмаjан һагсызлыгла барышмышдыр. Бу белә олмаjаҹаг һәмишә, Чүнки Аллаһын әдаләти вар.
Кечән мәһкәмәләрдә прокрор Гурандан толерантлыг барәдә аjә охумушду. Ҹәнаб прокрор сиз Гураны тәһриф етмисиниз. Гуранда белә бир аjәjә раст ҝәлмәдим.
Бир аjәдә деjирки, Кафирлә мөмин еjни ола биләрми?
Әлбәттәки хеjр. Мән истәмирәм “Аjҝүн Казымова” баҹым вә jа “Самир Бағыров” гардашым олсун. Мәнә бу толерантлыг лазым деjил. Мәнә Мүбариз Ибраһимов, Һаҹы Абҝүл кими геjрәтли, мәрд гардашлар лазымдыр.
Бу дедикләримдә jәгинәм. Ҝәлмәмишдән әввәл чох мәгамлар һагда данышмағы дүшүнмүшдүм. Унутмушам jәгин мәсләһәт деjилди. Ҝәлмәмишдән әввәл Ағам Имам Замана тәвәссүл етмишдим.”
Емин Тофиглиjә сон сөз үчүн вахт верилдикдә о, чыхышыны jазылы формада һакимә тәгдим етди.
Сонра исә Мәммәдов Сәфәр гыса шәкилдә сон чыхышыны етди: “Мәһәррәм матәм аjы мүнасибәтилә Имам Заман башда олмагла һәр кәсә, дырнагарасы ҹинаjәткар гардашларыма баш сағлығы верирәм. Ҹинаjәткар о адама деjирләр ки, О, иҹтимаи вә jа фәрди олараг фәсад төрәдә. Ҹинаjәткарлар диҝәр залда мәһкәәмәси олмуш 2 вәһһабидир. Һансы ки силаһ сурсатлары үзә чыхмышды. Биз ҹинаjәткар деjилик. Әлинин, Зәһранын балаларыjыг. Өзүмә вә гардашларыма бәраәт истәjирәм.
Даһа сонра Валеһ Абдуллаjев вә Әли Әлиjевдә гыса чыхыш едәрәк, ҝүнаһсыз олдугларыны билдирдиләр вә бәраәт истәдиләр.
Чыхышлар jекунлашдыгдан сонра Һаким Зеjнал Ағаjев мәһкәмәнин мүшавирәjә ҝетдиjини вә нөвбәти мәһкәмәдә һөкм охунаҹағыны билдириди.
О, нөвбәти мәһкәмә иҹласыны декабр аjынын 9-у саат 10:00-а тәjин етди.
Диггәт: Хәбәрдән истифадә етдикдә мәнбәjә истинад лазымдыр
