Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, “Деjерлер.орҝ” саjтына фикирләрини бөлүшән танынмыш журналист, публисист вә ссенарист Чинҝиз Султансоj билдириб: “Азәрбаjҹанда сон заманлар милләтин мүтилиjи вә пассивлиjи ҝениш мүзакирә олунмаға башлаjыр. Һәр jериндән дуран да бу мәсәләни өзү баша дүшдүjү кими изаһ етмәjә чалышыр. Сечкиләрдәки пассивлиjи, етиразларын сөнүклүjү вә с. кими һаллары халга тәнә вурмагла изаһ едән инсанлар артмагдадыр. Бунларын арасында сырави инсанлардан тутмуш, зиjалыларадәк ҝөрмәк олар. Бир вахтлар ади “Топхана” мешәсинин гырылмасы илә 100 минләрлә инсанын меjданлара ахышмасыны, инди ән ҹидди һагсызлыгларда белә мүшаһидә етмәмәjимизи әксәр инсанлар милләтин мәнәви сынмасында ҝөрүр.”
О даһа сонра деjиб ки, бизим милләтдә өзүнү кифаjәт гәдәр гиjмәтләндирмәмәк вар: “Мән бу мөвзуну jазыларымда даима ишыгландырмышам. Мән буну милләтимиздә милли гүрур, милли вүгар һиссинин чатышмамазлығы илә бағлаjырам. Азәрбаjҹан халгы бир топлум олараг, бу ҝүн дүнjанын апарыҹы халгларындан деjил. Мисал үчүн Чин, Инҝилтәрә, Америка, Јапон, Алманлар дүнjа халгларынын реjтингиндә, әҝәр бу реjтинги тәртиб етмәк мүмкүн олса, илк әллилиjә дүшмәсә дә, икинҹи әллилиjин илк jерләриндә гәрарлаша биләр. Азәрбаjҹан халгынын тарихинә, кечмишинә, дүнjа мәдәниjjәтинә вердиjи төһфәләрә ҝөрә, поезиjасына ҝөрә, мемарлығына ҝөрә вә с. бу jери бизим халгымыза вермәк олар. Амма бизим вәтәндашларын, тәк савадсыз инсанларын деjил, зиjалыларын да данышыгларына, гиjмәтләндирмәләринә диггәт етсәниз ҝөрәрсиниз ки, оналар Азәрбаjҹан халгы һаггында елә фикирдәдирләр ки, ҝуjа бизим милләт jарычылпаг ҝәзән, jарымвәһши таjфалар сәвиjjәсиндәдир. Бизи бирләшдирән дәjәрләр jохдур. Бизим һеч бир улу кечмишимиз, мәдәниjjәтимиз вә дөвләтимиз jохдур. Дүздүр, бизим дөвләтимиз арзуладығымыз дөвләт деjил. Сырави вәтәндашынын кешиjиндә дурмур, онун мәнафеjини горумур, халгына гәним кәсилиб. Бу там аjры мөвзудур. Амма халгын варлығы, өзүнү танымасы һөкумәтләрлә мүәjjән олунмур. Һөкумәтләр ҝәлди-ҝедәрди, халгын өзү вә дәjәрләри узун сүрән анлаjышлардыр.
Бизим милләтдә өзүнү кифаjәт гәдәр гиjмәтләндирмәмәк вар. Бунун бир сәбәби милли өзүнүдәркин лазымы сәвиjjәдә олмамасыдыр. Украjнадакы һадисәләри мүшаһидә едәрәк, билдирилир ки, биз халг, милләт деjилик. Тәбии ки, арзу олунарды ки, өлкәмиздә милли шүур сәвиjjәси, сиjаси мәдәниjjәт Украjнадакы кими оларды. Амма бунларын олмамасы о демәк деjил ки, биз милләт деjилик. Диҝәр тәрәфдән ким деjә биләр ки, бизим милли мәнлиjимиз елә бу сәвиjjәдә дә галаҹаг? Ким деjә биләрди ки, ҹәми 23 ил өнҹә атеизм рәсми дөвләт сиjасәти олан ССРИ дағыла биләр? Өлкә әразисиндә дини мөвзуларда раһат данышыла биләр?
Бу ҹүр данышан инсанлары мән шәрти олараг ики jерә бөлүрәм. Бир гисми шүурсуздур вә һадисәләрдән нәтиҹәләри чыхармағы баҹармыр. Һесаб едир ки, Азәрбаjҹан халгы мүти халгдыр. Дүздүр, биз сон заманлар халгын мүтилиjини мүшаһидә едирик. Амма бу мүтилиjи изаһ едән обjектив сәбәбләр дә вар. Бу груп инсанлар халгынын буҝүнки вәзиjjәтини, милләтин милли характери, менталитети кими гәбул едирләр.
Диҝәр бир гисми исә бүтүн бунлары анлаjыр вә шүурлу сурәтдә тәблиғ едир. Бунун да сәбәбләри вар. Бу груп инсанларын шүары ондан ибарәтдир ки, милләт һамысы мүтидир, әгидәсиз адамлардыр, бу халг бир jығын надүрүст инсан топлумудур. Бәзи инсанларын да етиразы да jалныз гуру сөзләрдән ибарәтдир. Бу етиразларда әсас мәсәлә шәхси мәнафени ҝүдмәкдир.
Милли мәсәләдә бу ҹүр деjилмәjин әсас сәбәби ондан ибарәтдир ки, иҹтимаиjjәтә тәлгин олунсун ки, ҹәмиjjәтдә һеч мүхалифәт jохдур. Бүтүн мүхалифәт нүмаjәндәләри һакимиjjәтдән пул алыр. Садәҹә олараг, бүтүн бу инсанлар мүхалифәт ролуну оjнаjырлар вә гонорарыны да һакимиjjәтдән алыр. Бу фикирләрин jаjылмасы бу сәбәбдәндир ки, һакимиjjәтдә баш верән коррупсиjаjа, jарытмазлыға вә с. кими ганунсузлуглара бәраәт газандырылсын. Јәни ҹамаат гәбул етсин ки, топлум һамысы рүшфәтхор вә фырылдагчыдыр, онда индики мәмурлар ҝетсә, jеринә диҝәри ҝәләҹәк вә о да елә бу ҹүр давам едәҹәк.
Онда даһа ниjә тәнгид едәк. Бу фикрин тәһлүкәси ондан ибарәтдир ки, “елә башыны ашағы сал вә сән дә бир jердән оғурла” фикри инсанлара тәлгин едилир. Әҝәр өз талеjиндән наразысанса, һаггы ахтарма, сән дә бир jердән оғурламаг һаггында фикирләш. Тәһлүкәли олан бу мәгамдыр”.
Диггәт: Хәбәрдән истифадә етдикдә мәнбәjә истинад лазымдыр
