Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Ноjабрын 16-да евдән чыхыб ҝери гаjытмаjан Бакы Дөвләт Университетинин шәргшүнаслыг факүлтәсинин 2-ҹи курс тәләбәси Асим Мәммәдовдан һәлә дә хәбәр jохдур. Буну Асимин анасы Самирә Мәммәдова деjиб.
Асим Мәммәдов ноjабрын 16-да интернет клубуна ҝетмәк ады илә евдән чыхыб, гаjытмаjыб. О, ҝедәндә мобил телефонуну евдә гоjуб. Телефонунда Асим “Мән белә jашаjа билмәрәм. Мәни бағышлаjын” геjдини jазыб вә jазынын фонунда табут шәкли jерләшдириб. Һәмин ҝүн о, “Facebook” шәбәкәсиндә белә бир статус да jазыб: “Гоjун гылым намазымы, сонра кәсин боғазымы”. Асим Мәммәдовун jахынлары онун иткин дүшмәси илә әлагәдар Хәтаи Раjон Полис Идарәсинин 34-ҹү полис бөлмәсинә мүраҹиәт едибләр.
Асим Мәммәдов “Facebook” шәбәкәсиндә фәал олан диндар ҝәнҹләрдән бири кими таныныр. О, бу ил апрелин 1-дә Нардаранда кечирилмиш аксиjаjа ҝөрә 12 сутка мүддәтинә һәбсдә сахланыб.
Геjд едәк ки, Азәрбаjҹанда мөвҹуд әлиjевләр сүлаләсинин ганунсузлугларына дөзә билмәjән вәтәндашлар артыг чыхыш jолуну интиһарда ҝөрүрләр...
Диггәт: Хәбәрдән истифадә етдикдә мәнбәjә истинад лазымдыр
