Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Беjнәлхалг Гарабағ Конфрансынын сәдри Мәһәммәд Әли Мүтәфәккиразад мүхбирләрә вердиjи мүсаһибәсиндә деjиб: “Беjнәлхалг Гарабағ Конфрансынын кечирилмә вахтынын jахынлашмасы илә еjни заманда Азәрбаjҹан Републикасында бәзи медиалары тәрәфиндән шүбһәли һәрәкәтләрин башламасы мүшаһидә едилди. Бәзи фактлара әсасән, бу һәрәкәтләрин архасында сионист лоббиси даjаныр.
О, өтән һәфтә Азәрбаjҹанын бәзи мәтбуат вә саjтларында Беjнәлхалг Гарабағ Конфрансынын һәдәфләринә гаршы гара пиарлар һүҹума кечмәсинә ишарә едәрәк деjиб: “Сөзсүз ки, бу гара пиарлар ИИР вә Азәрбаjҹан әлеjһинә тәшкилатланмыш һәрәкәтләрдән биридир вә jалныз сионист груплар вә Гарабағын ишғалда галмасыны истәjәнләрин марагларыны тәмин едир”.
Конфрансын сәдри вурғулаjыб: “Сон ҝүнләр Гарабағ Азадлыг Тәшкилатынын мәсулларындан бәзиләри өз мүсаһибәләриндә һакимиjjәт даирәләриндән вә ишә мане олмаг истәjәнләр тәрәфиндән һеjәт үзвләринә конфрансда иштирак етмәмәләри үчүн мүәjjән тәзjигләр олдуғуну деjиб.
Доктор Мүтәфәккиразад конфрансын ачылышы олдуғу замандан бу вахта гәдәр азәри медиаларынын, һәтта, бәзи дөвләт рәсмиләринин бу барәдә нәзәрләринин мүсбәт олдуғуну да хатырладараг деjиб: “Онларын ҝөзләнилмәдән фикирләрини дәjишмәләри jадларын бу мәсәләjә дәхаләт етмәси ҝүманыны ҝүҹләндирир”.
О, һабелә вурғулаjыб: “Конфрансын лоҝо дзаjнындан да аjдын иди ки, онун тәшкилатчыларынын мәгсәди беjнәлхалг гаjда-ганунлар әсасында, о ҹүмләдән БМТ-нин 4 гәтнамәсинә әсасән, Азәрбаjҹанын әрази бүтөвлүнү тәсдигләмәк, Гарабағы Азәрбаjҹанын әразиси билмәк, онун Азәрбаjҹанын сиjаси вә ҹоғрафи һүдудларына гаjытмасыны истмәк олмушдур. Бу мөвзу конфрансын лоҝосундакы гушун учушундан мәлумдур”.
Конфрансын лоҝосундакы гушудан истифадә етмәк конфранысын тәшәббүсчүләринин әгидәсинә әсасән, сүлһ вә сәфанын, әмин-аманлығын мәнтәгәjә гаjытмасыны арзуламаг олдуғуну билдирән сәдир артырыб: “Сиjаси әдәбиjjатда гуш вә ағ рәнҝ сүлһ вә достлуг әламәтидир”.
Тәбриз Университетинин Игтисадиjjат Институтунун ректору Гарабағ мүнагишәсиндә мәнтәгә өлкләләринә, иҹтимаи потенсиала вә мүсәлман халгларын етигадына сөjкәнмәjи Беjнәлхалг Гарабағ Конфрансынын диҝәр бир һәдәфләриндән олдуғуну билдириб вә бу әламәтин дә лоҝода jер тапдығыны деjиб.
Азәрбаjҹанын азад инсанлары һәмишә һәгиги мүстәгиллик вә өз әрази бүтөвлүкләринин ардынҹа олмушдур. Биз дә инанырыг ки, бу Азәрбаjҹан дөвләти вә халгыны гаршылыглы анлашмасы саjәсиндә ҝерчәкләшә биләр-деjә сәдир билдириб.
Индиjә кими ИИР вә Азәрбаjҹанын дүшмәнләриндән ҝөстәриш алан вә дөвләт даирәләриндән иҹазәси олмадан ишләjә билмәjән бир нечә нәшриjjат конфрансда иштирак етмәк истәjән азәри гонаглар үчүн чохлу проблемләр jарадыблар. Бундан да өнәмли одур ки, бу өлкәнин дипломасиjасыны өһдәсинә аланлар Иранын елми вә мәдәни мәркәзләринин тәшәббүсүнүн дәjәрини билмәмәләри, һәтта она етираз етмәләридир. Биз иҹтимаи-елми конфрансын өһдәдарлары олараг бу медиjаjа вә даирәләрә етираз мәгсәди илә өз дахили меjлимизин әксинә олараг гәрара ҝәлдик ки, һәләлик конфрансын кечирилмә тарихини тәхирә салаг. Үмидварыг ки, конфрансын әһәмиjjәт вә һәгигәтини дәрк етмиш университет алимләри, зиjалылар, мүстәгил вә инсафлы медиалар, иҹтимаи вә мәдәниjjәт фәаллары һәлә дә дост вә дүшмәнини кичик даирәләринә вә онлара бағлы мәтбуатлара мәнтәгәнин әсас мәсәләләрини вә Ислам өлкәләринин потенсиалларындан истифадә етмәклә Гарабағы азад етмәjин лүзүмуну анладаҹаглар. Сонда доктор Мүтәфәккиразад конфранса мәгалә ҝөндәрән дахили вә хариҹи тәдгигатчылара тәшәккүрүнү билдирди вә һәмин мәгаләләрдән лаjигинҹә истифадә едиләҹәjинә сөз верди. О, һабелә конфрансын хәбәрләрини индиjә кими ишыгландырмыш саjт вә мәтбуата өз тәшәккүрүнү билдириб вә конфрансын ишинә мане олан медианын һәрәкәтләрини бүтүн Азәрбаjҹанын геjрәтли халгына гаршы һөрмәтсизлик адландырыб.
Конфрансын сәдри билдириб: Биз бу конфрансда мәнфәәт әлдә едән тәрәф деjилдик. Биз истәjирдик ки, өз нечә иллик арашдырмаларымызы сәдагәтлә Азәрбаjҹан халгынын ихтиjарында гоjаг вә бу васитәjлә онлара көмәк едәк. Амма бәзи азәри даирәләрин ики өлкә халгынын jахынлашмасыны ҝөзләри ҝөтүрмүр. Лакин онлар билсинләр ки, биз Азәрбаjҹанын үмуми халгынын һесабыны белә бир аз дәстәjә гатмырыг вә бу өлкә мүсәлманларыны дәстәкләмәjи өзүмүзә вәзифә билирик.
Диггәт: Хәбәрдән истифадә етдикдә мәнбәjә истинад лазымдыр
