Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Азәрбаjҹанда һәбсдә олан журналист вә һүгуг мүдафиәчиси Пәрвиз Һәшимлинин атасы Камран Һәшимов Иран президентинә мүраҹиәт үнванлаjыб.
Мүраҹиәтдә деjилир:
Иран Ислам Республикасынын президенти, чох һөрмәтли Һәсән Руһани ҹәнабларына!
Мәни- Азәрбаjҹан Республикасы вәтәндашыны, 30 илдән чох бәшәриjjәтин ән мүгәддәс пешәләриндән һесаб олунан мүәллимлик етмәклә аиләсини һалал jолла доландыран Камран Һәшимову Сизә мүраҹиәт етмәjә вадар едән сәбәбләри диггәтинизә чатдырмаг истәjирәм. Билдирим ки, оғлум Пәрвиз Һәшимли бу илин сентjабрын 17-дә Азәрбаjҹан Республикасы Милли Тәһлүкәсизлик Назирлиjинин әмәкдашлары тәрәфиндән ганунсуз олараг һәбс олунуб вә бу ҝүнәдәк аиләси онун талеjиндән ганедиҹи мәлумат ала билмәjиб. Танынмыш журналист вә һүгуг мүдафиәчиси олан оғлумун тамамаилә ганунсуз олараг һәбс едилдиjини, бу ҝүн онун назирлиjин истинтаг тәҹридханасында бир ҝиров кими сахланылдығыны бүтүн дүнjа билир. Јери ҝәлмишкән, дүнjанын бүтүн нүфузлу беjнәлхалг тәшкилатлары бу һәбси писләjән бәjанатларла чыхыш едибләр, ону виҹдан мәһбусу кими таныjыблар. Мән дә там әминәм ки, оғлум виҹдан мәһбусудур вә Азәрбаjҹанда вүсәт алмыш һакимиjjәтдахили мүбаризәнин ҝүнаһсыз гурбанларындан биридир. Артыг бу бир сирр деjил ки, ондан зорла, мәнәви вә психоложи тәзjиг етмәклә кимләрәсә гаршы гондарма ифшаедиҹи етирафлар алмаға ҹәһдләр едилир.
Ҹәнаб Президент!
Бир Ислам дөвләтинин башчысы олараг Сизә мүраҹиәт етмәjә мәҹбур олмагдан чох бөjүк утанҹ һисси вә мәнәви әзаб кечирирәм. Ахы мән мүстәгил бир өлкәнин вәтәндашыjам вә ганунла бүтүн вәтәндаш һүгугларымын горундуғу бәjан едилән бир дөвләтдә jашаjырам. Анҹаг тәәссүф һиссиjлә билдирмәк истәjирәм ки, мән артыг ики аjа jахындыр ки, өз өлкәмдә тамамилә һүгугсуз, талеjин үмидинә бурахылмыш гәриб бир инсан кими әлаҹсыз jашамағын әзабыны чәкирәм вә ҝүнаһсыз зиндана атылан баламын һүгугларыны горуjа билмәкдә аҹизлиjим мәнә дәһшәтли әзаблар верир. Буну иддиа етмәjә әсасым да вар. Өтән ики аjа jахын мүддәт әрзиндә мүраҹиәт етмәдиjим үнван галмады, назирләрдән тутмуш президентәдәк һәр кәсә хаһиш едәрәк бу һәбсә биҝанә галмамаға чағырдым, анҹаг нәинки тәдбир ҝөрүлмәди, һәтта мүраҹиәтләримә ҹаваб вермәjә белә лүзум ҝөрмәдиләр.
Ҹәнаб Президент!
Оғлума гаршы силаһ гачагмалчылығы маддәсиjлә гондарма иттиһам елан едибләр. Ҝуjа оғлум Иран Ислам Республикасы әразисиндән гачагмалчылыг jолуjла Азәрбаjҹана ҝәтирилән силаһы алыб сатаҹагмыш. Бу иттиһамын икраһдоғуруҹу вә ҝүлүнҹ олмасы бир jана, мән бир валидеjн олараг Азәрбаjҹан Республикасы Дөвләт Сәрһәд Хидмәти рәһбәринә мүраҹиәт едәрәк онлардан ҹаваб истәдим ки, ниjә сәрһәдләримиз етибарлы горунмур ки, кимләрсә ону ганунсуз позмаға наил олсунлар? Суал етдим ки, МТН-нин иддиа етдиjи тарихдә һәр һансы сәрһәд позуҹусу сахланылыбмы, ән азы белә бир ҹәһд геjдә алыныбмы? Һәмин дөврдә Иранла сәрһәд әразиләрдә хидмәт апаран һансы әсҝәр, забит вә jа командир ҹәзаландырылыб? Бир сөзлә, үнванладығым бүтүн суаллар әслиндә бәлли сәбәбдән ҹавабсыз галды. Она ҝөрә дә мәҹбур олуб охшар суалларла Сизә мүраҹиәт етмәк гәрарына ҝәлмишәм вә үмид едирәм ки, Сиз мүраҹиәтимә биҝанә галмаjараг ону мәсләһәт билдиjиниз шәкилдә ҹавабландыраҹагсыныз. Доғруданмы Иран сәрһәдди дә Азәрбаjҹан сәрһәдләри кими горунур? Доғруданмы истәнилән сәрһәд позуҹусу һеч бир чәтинлик чәкмәдән Иран сәрһәддини кечә билир? Әлбәттә, бунлара мән инанмырам вә инанмаг истәмирәм. Анҹаг әминәм ки, мүраҹиәтими охудугдан сонра мәни бу ҹүр дүшүнмәjә, даһа доғрусу, бу ҹүр суаллар вермәjә мәҹбур едән сәбәбләри дә билдиниз.
Ҹәнаб Президент!
Оғлум өтән ил Мүгәддәс Һәҹҹ зиjарәтиндә олуб. Онун силаһ гачагмалчысы олдуғу барәдә ирәли сүрүлән иттиһамы бир валидеjн кими неҹә һәзм едә биләрәм? Бу инсанлар өлкә ганунларындан өз мәгсәдләри үчүн истифадә едирләр, бәс Аллаһдан, онун ганунларындан, гәзәбиндән горхмурлармы? Бир Һаҹыjа белә иттиһамы неҹә рәва ҝөрүрләр?
Ҹәнаб Президент!
Сиздән чох хаһиш едирәм, һеч олмаса Сиз мәним өвладымын талеjинә биҝанә галмаjын вә онун нә заманса Иран сәрһәддини ганунсуз кечән гачагмалчыларла әлбир олмадығыны, үмумиjjәтлә иддиа олундуғу кими һәмин дөврдә һеч бир сәрһәд позуҹусунун геjдә алынмадығыны ортаjа гоjун. Сәлаһиjjәтиниздән истифадә едәрәк өз мүвафиг органларыныза белә бир еһтималын нә дәрәҹәдә мүмкүн ола биләҹәjини арашдырмағынызы, нәтиҹәләри барәдә ҝөзү jолда галан ҝиров атасына, оғлумун 4 jашындакы ҝөзүjашлы көрпәсини мәлуматландырмағынызы хаһиш едирәм.
Диггәт: Хәбәрдән истифадә етдикдә мәнбәjә истинад лазымдыр
