Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, талибан-вәһаби террор груплашмасына бағлы үнсүрләр, Пакистанын шимал-гәрбиндә jерләшән Пишавәр шәһәриндә нөвбәти террор һадисәсини төрәдибләр.
Беләки, Шиәләрин топландығы мәркәзә гумбара атараг, Әһли-Беjт (әлеjһимус сәлам) Мәктәбинин ардыҹылларындан дөрд нәфәрини Шәһид етмиш вә бир чохларыны да мүхтәлиф дәрәҹәли бәдән хәсарәтләри илә jаралаjыблар.
Һадисә өтән ҝүн, бир груп Шиәнин гәбилә һәjат тәрзи сүрән “Әркази” мәнтәгәсиндәки кәндләрин бириндә торпагла бағлы проблемин һәлли үчүн топлашдыглары иҹласда баш вериб.
Пакистанын һөкүмәт даирәләриндә ишләjән jүксәк рүтбәли рәсмиәриндән бири олан “Мәһмуд Ислам”ын билдирдиjинә ҝөрә, “ЖЕП” маркалы машынла кәндә дахли олан мүһаҹимләрдән үч нәфәри иҹласын кечирилдиjи jерә дөрд әдәд гумбара атараг, дөрд нәфәри Шәһид едәрәк бир чохларыны да jаралы салмыш вә һадисә jерини тәрк етмишләр.
Геjд едәк ки, “Әркази” мәнтәгәси Пакистанын Әфганыстан илә сәрһәд бөлҝәсиндә jерләшән гәбилә һәjат тәрзи сүрән jедди реҝиондан биридир ки, бурада һеч бир һөкүмәт гануну ишләмир. Бу сәбәбдән дә, jараглы талибан груплашмасынын, һабелә беjнәлхалг азғын әл-Гаидә террор тәшкилатынын әсас мәркәзләри дә мәһз бу бөлҝәләрдир.
Диггәт: Хәбәрдән истифадә етдикдә мәнбәjә истинад лазымдыр
