Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, хариҹи өлкәләрдән ҝәтиздириләрәк Суриjанын дөрд ҝүшәсиндә кабус кими дағылмыш силаһлы террор груплары Һомс раjонун Тәлкәлаһ бөлҝәсиндә Шәллуһ кәндиндә jени бир гырғын төрәдибләр.
15 ҝүнаһсыз вәтәндашын шәһид дүшдүjү гырғында, араларында ушаг вә гадынлар да олан бир чох вәтәндаш jараланыб.
Мөвзуjла әлагәдар САНА-jа ачыглама верән сәлаһиjjәтли мәнбә, азғын силаһлы террористләрин Шәллуһ кәндинә әкинчилик әразиләриндә сәһәрин еркән саатларында сыздыкларына ишарә едәрәк кәнд сакинләринә пулемjотлар, ракет вә даһа бир чох ағыр силаһла тәшкил етдикләри һүҹум нәтиҹәсиндә 15 мүлки вәтәндашын шәһид дүшдүjүнү вә 7 вәтәндашын jараландығыны бәjан едиб.
Диҝәр тәрәфдән һадисә jериндә олан САНА мүхбири кәнд сакинләриjлә етдиjи сөһбәтләрдә, кәнд сакинләринин гәһрәман орду бирликләри илә әмәкдашлыг чәрчивәсиндә силаһлы террористләрә гаршы апарылан әмәлиjjатларда jахындан иштирак етдикләрини билдирибләр.
Гырғында шәһид дүшәнләр арасында кәнд мәктәбинин мүдиринин дә олдуғуна диггәт чәкән мүхбир, һүҹумда jараланан вәтәндашларын Тартус бөлҝәсиндәки Басил Хәстәханасына jерләшдирилдиjини билдириб.
Диггәт: Хәбәрдән истифадә етдикдә мәнбәjә истинад лазымдыр
