Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Русиjанын Ермәнистанын Ҝүмрү шәһәриндә дислокасиjа олунмуш 102 саjлы һәрби базасынын команданы, полковник Андреj Рузински Русиjа Мүдафиә Назирлиjинин рәсми органы олан “Краснаjа звезда” гәзетинә мүсаһибәсиндә деjиб: “Азәрбаjҹан Дағлыг Гарабағда һәрби әмәлиjjата башлаjарса, Русиjанын Ермәнистандакы һәрби базасы бу мүнагишәjә ҹәлб олуна биләр”.
Рус командири билдириб ки, һәрби базанын ҹавабдеһ олдуғу бөлҝәдә һәрби-сиjаси вәзиjjәт ермәни-Мүсәлман мүнагишәси реҝионунда гаршыдурманын аловланмасынын мүмкүнлүjү илә әлагәдар бир сыра геjри-сабитлик jарадан факторларла характеризә олунур: “Азәрбаjҹан рәһбәрлиjи тәрәфиндән Дағлыг Гарабағ үзәриндә өз һүгуги jурисдиксиjасыны ҝүҹ jолу илә бәрпа етмәк барәдә гәрар гәбул олунарса, Русиjа Федерасиjасынын Коллектив Тәһлүкәсизлик Мүгавиләси Тәшкилаты чәрчивәсиндәки һүгуги өһдәликләринә уjғун олараг һәрби база силаһлы мүнагишәjә гошула биләр”.
А. Рузински геjд едиб ки, һәрби база ләнҝимәдән мүдахиләjә һазыр вәзиjjәтдә олан һәрби бирләшмәдир: “Онун тәркибиндә 13 әсас дөjүш бөлмәси вә 17 һәртәрәфли тәминат бөлмәси мөвҹуддур. Бу һәҹмдә гүввә гоjулан тапшырыглары уғурла jеринә jетирмәjә имкан верир. Әлавә етмәк лазымдыр ки, Ермәнистандакы Русиjа һәрби базасынын әсас хүсусиjjәти зенит-ракет дивизиону олмасыдыр. О, “БУК-М1-2” зенит-ракет комплекси, “Смерч” реактив артиллериjа батареjасы вә “МиГ-29” дөjүш тәjjарәләри ескадрилjасынын олдуғу авиабаза илә тәҹһиз олунуб”.
Диггәт: Хәбәрдән истифадә етдикдә мәнбәjә истинад лазымдыр
