Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Азәрбаjҹан Ислам Партиjасы Сабунчу Раjон Мәһкәмәсиндә илаһиjjатчы Тале Бағыровун иши үзрә кечирилән просесә бурахылмаjан диндарларын һәбсини писләjән бәjанат вериб.
Бәjанатда деjилир ки, мәһкәмәнин ачыг кечирилмәсинә бахмаjараг Т.Бағыровун jахынларынын вә диндар тәәссүбкешләрин мәһкәмә залына бурахылмамасы ганун позунтусудур.
Бу, полисин мәһкәмәнин ҝедишинә тәзjигидир вә jолверилмәздир. Баш верәнләр Азәрбаjҹанда мүстәгил мәһкәмә һакимиjjәтинин геjри-мөвҹудлуғуну, һәр бир иттиһам олунан вәтәндашын талеjинин полис органларына етибар олунмасы исә өлкәнин полис режими васитәсилә идарә едилмәсини сүбут едир.
Бу исә рүшвәт вә коррупсиjаjа уғрамыш һүгуг мүһафизә органларынын вәтәндашла һакимиjjәт арасындакы етимадын бәрпа олунмасына, инсанларын тәһлүкәсиз jашаjыш тәрзинин jарадылмасына jенә дә ҹидди манеә төрәтдиjини ҝөстәрир.
Полисин инсанларла бу ҹүр гәддарҹасына рәфтар етмәси дөвләтчилиjи ағыр зәрбә алтында гоjур. Белә негатив һалларын арадан галдырылмасы, һәбс олунан вә һагларында гондарма иттиһамлар сәсләндирилән ҝүнаһсыз вәтәндашлар дәрһал азадлыға бурахылмалы, ҝүнаһкар полис әмәкдашлары лаjигли ҹәзаларына чатдырылмалыдыр. Белә олаjларын тәкрар олунмамасы үчүн һакимиjjәти тәмсил едән мәсул постлара тәсадүфи jиjәләнән һүгуг мүһафизә әмәкдашларына ганунчулуг тәлгин едилмәли вә беләләри илә мәнәви маарифләндирмә тәлимләри апарылмалыдыр.
30.10.2013
Диггәт: Хәбәрдән истифадә етдикдә мәнбәjә истинад лазымдыр
