Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Сабунчу Раjон Прокурорлуғу билдириб ки, октjабрын 28-дә Илаһиjjатчы Талеһ Бағыровун мәһкәмә просеси заманы сахланылан 4 диндар барәсиндә Ҹинаjәт Мәҹәлләсинин 315.2-ҹи (ҝүҹ тәтбиг етмәклә полисә мүгавимәт) маддәси илә ҹинаjәт ишинә башланыб.
Прокурорлуг һәмин шәхсләрин адларыны ачыгламаjыб вә билдириб ки, һәләлик онлар барәсиндә һәбс гәтимкан тәдбири сечилмәjиб.
Вәкил Ҹавад Ҹавадлы билдириб ки, сахланылан диндарлар полисә һеч бир мүгавимәт ҝөстәрмәjибләр, әксинә, өзләри амансыз рәфтара мәруз галыблар: “Диндарлар мәһкәмәjә ҝәлмишдиләр ки, просеси мүшаһидә етсинләр”.
Вәкил һәмчинин Диндарлара гаршы планлашдырылмыш тәхрибат төрәдилмәсини ачыглаjыб.
Исламчыларын Һүгугларыны Мүдафиә Комитәси 20 диндарын сахландығыны хәбәр вериб. Онларын әксәриjjәти 50 манатдан 80 манатадәк ҹәримәләндикдән сонра бурахылыб.
Барәсиндә ҹинаjәт иши ачылмыш дөрд диндардан үчүнүн Мусарза Һеjдәрзадә, Аббас Һүсеjнов вә Наил (соjады мәлум деjил) олдуғу билдирилир.
Диггәт: Хәбәрдән истифадә етдикдә мәнбәjә истинад лазымдыр
