Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, бу ҝүн һиҹаб мәһбусу Наһид Гәһрәманов нөвбәти мәһкәмә иҹласы кечирилиб.
Мәһкәмә иҹласы саат 11:00-а тәjин олунса да саат 13:00-да башлаjыб.
Илк олараг һаким Кәмалә Әмирханлы мүттәһим Наһид Гәһрәмановун мәһкәмә истинтагынын jекунлашдығыны елан едиб.
О, чыхыш үчүн сөзү дөвләт иттиһамчысы Әсәдулла Рамазанова вериб.
Дөвләт иттиһамчысы Ҹинаjәт Мәҹәлләсинин 315.2 маддәсиjлә 2.6 ил вә 233-ҹү маддәсиjләдә 2.6 ил олмагла ҹәмдә 5 ил иш истәjиб.
Онун һәбс мүддәтинин үмуми режимли һәбсханада чәкмәсини геjд едиб.
Вәкил Бәхтиjар Һаҹыjев исә мүвәккили һиҹаб мәһбусу Наһид Гәһрәмановун аксиjа заманы мүгавимәтинин нәдән ибарәт олдуғунун сүбут олунмадығыны вә диндирилән шаһидләрин ону үздән танымадыгларыны геjд едәрәк бәраәтини истәjиб.
Һәмчинин Наһид Гәһрәмановун үзәриндән ҝөтүрүлмүш 17 мин АБШ долларынын башгасына мәхсус олдуғунун сүбут едилдиjини вә һәмин мәбләғин евсиз-ешиксиз галмыш мүвәккилинин аиләсинә ҝери гаjтарылмасы үчүн гәрар верилмәсини истәjиб.
Даһа сонра чыхыш үчүн сөз Наһид Гәһрәманова верилиб. О, бу ҝүн мүстәгиллик ҝүнүн олдуғуну хатырладыб вә мәһкәмәләрин мүстәгил фәалиjjәт ҝөстәрмәли олдугларыны, һакимин мүстәгил гәрар вермәсини истәjиб.
Даһа сонра һаким гәрар үчүн мүшавирә отағына jолланыб.
Мүшавирә вахты әрзиндә Наһид Гәһрәманов һаггын һәр заман дустаг олдуғуну, зилләтин һагг әһлиндән узаг олдуғуну вә зинданын мәғлубиjjәт олмадығыны сөjләjиб.
Һаким мүшавирәдән гаjытдыгдан сонра нөвбәти мәһкәмә иҹласыны октаjбр аjынын 21-и саат 11:00-а тәjин едиб.
Нөвбәти мәһкәмә иҹласында Наһид Гәһрәманова һөкм охунаҹағы ҝөзләнилир.
Геjд едәк ки, Наһид Гәһрәманов 2012-ҹи ил октjабрын 5-и Бакыда, Тәһсил Назирлиjинин бинасы гаршысында кечирилмиш “Һиҹаба азадлыг” аксиjасына ҝөрә тутулуб.
Она Ҹинаjәт Мәҹәлләсинин 315.2 (һакимиjjәт нүмаjәндәсинә гаршы мүгавимәт ҝөстәрмә вә jа зор тәтбиг етмә) вә 233-ҹү (иҹтимаи гаjданын позулмасына сәбәб олан һәрәкәтләри тәшкил етмә вә jа бу ҹүр һәрәкәтләрдә фәал иштирак етмә) маддәләри илә иттиһам елан олунуб.
Һәмин аксиjаjа ҝөрә 35 нәфәр азадлыгдан мәһрум едилиб.
Хатырладаг ки, һәбс едиләркән Наһид Гәһрәмановун үстүндә 17 мин АБШ доллары олуб. Пулун һарадан ҝәлдиjи истинтагда дәгигләшдирилиб. Наһид Гәһрәманов һәбс олунмамышдан әввәл аиләсинә мәхсус торпаг саһәсини сатыбмыш.
Диггәт: Хәбәрдән истифадә етдикдә мәнбәjә истинад лазымдыр
