Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Түркиjәнин хариҹи ишләр назири Әһмәд Давудоғлу Милли Кәшфиjjат Идарәсинин (МИТ) сәдри Һакан Фиданла бағлы мәлуматлары тәкзиб едәрәк бир даһа Түркиjәнин исраил режиминә олан садиглиjини исбатлаjыб.
“Wall street” журналында дәрҹ олунан мараглы бир мәгаләjә мүнасибәт билдирән назир деjиб: "Һөрмәтли Һакан Фидан вәзифәсини мүкәммәл иҹра едир. Һакан Фидан илә әлагәдар ортаjа атылан иддиалар һәгигәти әкс етдирмир. Бу иддиалар гаралама тәблиғатынын парчасыдыр.”
Хатырладаг ки, "Вашингтон Пост" гәзети Һакан Фиданын Исраил үчүн ҹәсуслуг едән шәхсләрин адларыны еһтива едән сиjаһыны һазырлаjараг Иран һокумәтинә тәгдим етдиjини jазыб.
"Вашингтон Пост" гәзети билдириб ки, сиjаһыда 10 нәфәрин ады вар. Ҝөрүнүр Исраил Ирандакы шәбәкәләрин бир һиссәсини Түркиjәдән координасиjа едирмиш вә Түркиjә әлдә етдиjи мәлуматлары Ирана өтүрүб. Өтән һәфтә “Wall street” журналы да jазыб ки, Исраил кәшфиjjаты илә әмәкдашлыг едән Иран вәтәндашлары адәтән "Моссад"ла Түркиjәдә ҝөрүшүрләр. Бу мәлуматлары Түркиjәнин Милли Кәшфиjjат Идарәсинин сәдри Һакан Фидан иранлы һәмкарларына вериб.
Диггәт: Хәбәрдән истифадә етдикдә мәнбәjә истинад лазымдыр
