Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Иран Ислам Республикасынын Мәдәни Ирс, Әл Ишләри Сәнаjеси вә Туризм Тәшкилатынын сәдри Мәһәммәд Әли Нәҹәфи UNESCO -нун баш директору Ирина Боковаjа мәктуб үнванлаjыб.
Мәктубда Низами Ҝәнҹәвинин фарс дилиндә шеирләр jазылмыш дашларын бу ҝөркәмли шаирин мәгбәрәсиндән jығышдырылмасына тохунулараг Азәрбаjҹанын фарсофобиjа сиjасәтинә етираз билдирилиб.
Сәнәддә деjилир ки, Азәрбаjҹан дөвләтинин фарсофобиjа сиjасәти бир нечә илдир Иранын танынмыш шәхсиjjәтләри вә әдәбиjjатыны һәдәфә алыб: “Бунун ән сон нүмунәси Низами Ҝәнҹәвинин фарс дилиндә олан шеир дашларынын шаирин мәгбәрәсиндән ҝөтүрүлмәсидир. Бу аддым мәдәниjjәтдән узаг бир аддым олараг мәдәни ортаглыгларын нәзәрә алынмамасы мәнасындадыр. Биз UNESCO-дан бу геjри-мәдәни рәфтарын дәрһал гаршысыны алмасыны вә ону әввәлки вәзиjjәтинә ҝери гаjтармасыны истәjирик”.
Диггәт: Хәбәрдән истифадә етдикдә мәнбәjә истинад лазымдыр
