Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, өтән ҝүн, 11 Октjабр, 2013 тарихддә Сәуди Әрәбистанынын Гәтиф шәһәриндә Ҹүмә Намазына Рәһбәрлик едән Шеjх Һәсән Сәффар Ҹүмә намазы хүтбәсиндә ҝүндәми гиjмәтләндирән чыхышла хүтбә охуjараг белә деjиб:
Ислами вәһдәт даим ики бөjүк тәһлүкә илә гаршы-гаршыjа олмушдур; биринҹиси тәкфирчилик идеолоҝиjасы вә терөр актлары төрәтмәкдир ки Әһли Сүннәт мәзһәбиндән гаjнагланмышдыр. Икинҹиси исә Әһли Сүннәтин бөjүк шәхсиjjәтләринә лағ етмәк вә онлары алчалтмаг ки, бу да сон заманларда өзләрини Шиә адландыран бәзи груплар арасында ҹүҹәрибдир.
Буну ачыгҹа ифадә едирәм ки Әһли Сүннәтин бөjүк шәхсиjjәтләринә тәһгир едән ахын, "фанатик сәләфи хәттин бир башга версиjасыдыр” ки, еjни мәгсәдә хидмәт едир. Чүнки онларын бу ишләри тәкфирчиләрин төрәтдиjи амансыз ҹинаjәтләрә өртүк һазырламагдадыр вә бу ҹинаjәтләрин давамыны зәманәт етмәкдәдир. Амма дүнjа буну чох jахшы билмәлидир ки, Шиәнин Тәглид Мәрҹәләри вә Мүҹтәһидләри бу тәһгирләри шиддәтлә гынамыш вә буну едәнләрин Әһли Беjт мәктәбиjлә һеч бир әлагәси олмаjан Ислам дүшмәнләринин хидмәтчиләри олараг характеризә етмишләр. Әһли Беjтдән олан Имамлар һәjатлары боjунҹа әсла фәргли мәзһәб вә груплара гаршы белә бир үслуб тәгиб етмәмишләр.
Шеjх Сәффар бу мөвзуда Аjәтуллаһ Систанинин фәтвасыны хатырладараг вә Бағдадын Әзәмиjә бөлҝәсиндә бир груп адамын Әһли Сүннәт дәjәрләринә тәһги етдикләририн шиддәтлә гынады. Шеjх Сәффар, бир даһа бу ҹүр ағылдан узаг ахмагҹасына олан һәрәкәтләрин jалныз Ислам дүшмәнләринин һәдәфинә хидмәт етдиjини вә тәкфирчиләрин ҹинаjәтләринә бәһанә ҝәтирдиjини вурғулады.
Диггәт: Хәбәрдән истифадә етдикдә мәнбәjә истинад лазымдыр
