Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Малазиjада Әһли-Беjт (әлеjһимус сәлам) Мәктәбинә вә бу мәктәбин давамчыларына гаршы соjуг сиjасәтләр сәнҝимир. Белә ки, һәгигәт ардыjҹа олан ҹаван нәсил вә үмуми халг күтләси арасында анти-Шиә тәблиғатларын, маарифләндирмәләрин ҝенишләндирилмәси артыг рәсми дөвләт сиjасәтчиләрин дә ҝүндәлик мәсәләсинә чеврилмиш бир характер дашымагдадыр. Һәтта jени Малазиjанын мемары кими татынан, сабиг баш назир Маһатир Муһәммәд дә мәһз Әһли-Беjт (әлеjһимус сәлам) Мәктәбинин өлкәдә рәваҹ тапмасына вә ҹаван күтләнин бу мәктәбә меjл ҝөстәрмәсинә һиддәтләнәрәк, Әһли-Беjт (әлеjһимус сәлам) тәфәккүрүнүн өлкәдә jаjылмасына манеә төрәдилмәсини тәләб едиб.
Бу солғун сиjасәтләрин давамы олараг, Малазиjа Ислам Тәбилғат назирлиjи jени аддымлар атараг, мәзһәб ишләринә нәзарәтин даһа дәгиг артырылмасы үчүн конфранс тәшкил верибләр. Конфрансда әсас мөвзу Әһли-Беjт (әлеjһимус сәлам) Мәктәбинин маарифләндирилмәсинингаршысны алмағын ән jахшы jолларынын арашдырылмасы олуб.
Хүсуси мүхбиримизин Малазиjадан вердиjи мәлуматда деjилир ки, конфранс “Датук Ван Зуһеjди Ван”ын гәләми әсасында jазылмыш “Шиә Һәгигәтләри” адлы анти-Шиә китабынын ачылышы илә өз ишинә башламышдыр.
Китабын ҹилди үзәриндә “Гәмә” вуранларын мәрасиминдән чәкилмиш фотоларын тәсвири верилиб. Китабын әсас иши Ислам тарихи һагда олан һәгигәтләрин әксини ҹилвәләндирмәк вә Әһли-Беjт (әлеjһимус сәлам) Мәктәбинә гаршы jалныш иттиһамлар jағдырмагдан ибарәтдир.
Малаjзиjа Баш назир Идарәсинин нәзниндәки Ислам Ишлəри назирлиjинин сәдри вәзифәсиндә чалышан Ҹәмил Хеjр, геjд олунан анти-Шиә китабын ачлыш мәрасиминдә чыхыш едәрәк өлкәдә Шиәләрин тәблиғ етмәк һүгугларына ишарә едәрәк билдириб: “Шиә мәктәбинин тәблиғи өлкәмиздә мүтләг геjри Ислам динләриә аид олан Дини Комитәнин нәзарәти алтында һәjата кечирилмәлидир (!). Бу мәсәлә илкин мәрәһәләдә мүтләг өз һәллини тапмалыдыр (!)”.
Геjд етмәк лазымдыр ки, анти-Шиә китаб илк тиражда 1000 нүсхә чап олунараг, Малазиjа Мүфтиләри Идарәси тәрәфиндән үмум күтләjә чатдырмаг мәгсәди илә өлкә Мәсҹидләринә паjланылыб.
Диггәт: Хәбәрдән истифадә етдикдә мәнбәjә истинад лазымдыр
