Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Малазиjада анти-Шиә сиjасәтләри артыг бир нечә һәфтәдир ки, програмлашдырылмыш сүрәтдә дөвләт сәвиjjәсиндә иҹра олунмагдадыр.
Әһли-Беjтин (әлеjһимус сәлам) вердикләри тәлиматлардан һүркүjән сәләфиjөнлү Малазиjа дөвләт рәсмиләриндән бири саjылан баш назир шөбәсиндә “Ислам Ишләри” үзрә назирлиjин рәһбәри Ҹәмил Хеjр ҝүлүнҹ бир иддиа илә чыхыш едәрәк Шиә Мәктәбинин даим сүлһә сәсләjән тәлимләрини өлкә вәтәндашлары үчүн горхулу бир тәһлүкә олдуғуну сөjләjиб.
Малазиjа “Ислам Ишләри” үзрә назирлиjин рәһбәри, “Шиә вә либерализм тәһлүкәси илә гаршы-гаршыjа Иманын ҝүҹләндирилмәси” адлы анти-Әһли-Беjт (әлеjһимус сәлам) иҹласда кәскин чыхышлар едәрәк, Шиә Мәзһәби илә мүбаризәдә өлкәдәки саир партиjаларын да актив иштирак едәҹәкләринә үмидвар олдуғуну билдириб.
Малазиjанын кичик әjаләтләриндән бири саjылан Перис бөлҝәсинин Ишлам Ишләри үзрә комитәнин сәдри Хеjри Һәсән мәрузә верәрәк билдириб: “Шиәләрин бүтүн фәалиjjәтләри комитәнин там диггәт мәркәзиндәдир”.
Комитә сәдри деjиб: “Комитәнин диггәт мәркәзиндә оланлар сырасында хариҹи өлкәләрдән охумаға ҝәлән тәләбәләр дә гәрар тапыр”.
Ишлам Ишләри үзрә комитәнин сәдри Хеjри Һәсән, Перис бөлҝәсиндә Әһли-Беjт (әлеjһимус сәлам) Мәктәбини тәблиғ едәнләрин саjынын анҹаг беш нәфәр олдуғуну билдириб.
Хеjри Һәсән, беш Шиә активистинин саир Мүсәлманлар арасында дәгиг һансы хәталара мүртәкиб олдугларыны ачыгламагдан ваз кечәрәк билдириб: “Перлис әjаләтинин үләмалары Әһли-Беjт (әлеjһимус сәлам) Мәктәбинин тәлимләрини гадаған едән фәтваjа имза атараг, дөвләтдән бу jөндә фәтвадан имтина едән шәхсләр барәсиндә ҹинаjәт ишинин ачылмасыны тәләб едибләр”.
Анти-Әһли Беjт (әлеjһимус сәлам) дөвләт нүмаjәндәси олан Һәсән Хеjри сонда билдириб: “Үмүд варам ки, халгын мүхтәлиф тәзjигләри нәтиҹәсиндә Шиә мәзһәбинә даир һәр һансы бир китаб һагда мәлумат вахтында “Ислам Ишләри Үзрә Комитә”jә чатдырылсын”.
Диггәт: Хәбәрдән истифадә етдикдә мәнбәjә истинад лазымдыр
