Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Сентjабрын 25-дә “Һиҹаба азадлыг” шүары илә кечирилән аксиjаjа ҝөрә һәбс олунмуш Наһид Гәһрәмановун Нәриманов Раjон Мәһкәмәсиндә мүһакимәси давам едиб
Вәкил Бәхтиjар Һаҹыjев билдириб ки, просесдә ики шаһид диндирилиб: “Шаһидләрин һәр икиси мағаза мүдиридир. Диндирмә заманы билдирдиләр ки, аксиjа башланандан битәнә гәдәр обjектләрини бағлаjыблар. Сонра исә һәмин әразидә нә Наһид Гәһрәманову, нә дә диҝәр кимисә ҝөрүбләр. Наһид Гәһрәмановун кимәсә мүгавимәт ҝөстәрмәси вә jа нәсә тәшкил етмәсиндән дә хәбәрләри jохдур. Ҝәлән просесдә һадисәjә ҝөрә Чевик Полис Алаjынын әмәкдашы диндириләҹәк”.
Вәкил мәһкәмә бахышынын сонунда бир нечә вәсатәт галдыраҹағыны деjиб: “Билдирәҹәjәм ки, геjри-обjектив истинтаг апарылыб. Аjдынлыг ҝәтирилсин ки, ниjә ҝөрә Наһид Гәһрәманов һаггында әсассыз олараг үч аj мүддәтинә һәбс гәтимкан тәдбири сечилиб. Ики аj әрзиндә һеч бир истинтаг һәрәкәти апарылмаjыб вә Натиг Гәһрәманова гәрәзли jанашма нүмаjиш етдирилиб. Прокурорлуг сәвиjjәсиндә буна аjдынлыг ҝәтирилмәли вә прокурорлуг мүстәнтиги барәсиндә тәдбир ҝөрүлмәлидир. Натиг Гәһрәманов һеч бир ахтарыш апарылмадан, полис шөбәсинә дәвәт олунмадан күчәдә һәбс едилиб. Үстүндә 17 мин АБШ доллары вәсаит олуб. Пулун һарадан ҝәлдиjи дәгигләшдирилиб. Наһид Гәһрәманов һәбс олунмамышдан әввәл аиләсинә мәхсус торпаг саһәсини сатыб. Бу вәсаит дә бу ҝүнә гәдәр аиләсинә гаjтарылмаjыб”.
Наһид Гәһрәманов 2012-ҹи ил октjабрын 5-и Бакыда, Тәһсил Назирлиjинин бинасы гаршысында кечирилмиш “Һиҹаба азадлыг” аксиjасына ҝөрә сахланыб. Она Ҹинаjәт Мәҹәлләсинин 315.2 (һакимиjjәт нүмаjәндәсинә гаршы мүгавимәт ҝөстәрмә вә jа зор тәтбиг етмә) вә 233-ҹү (иҹтимаи гаjданын позулмасына сәбәб олан һәрәкәтләри тәшкил етмә вә jа бу ҹүр һәрәкәтләрдә фәал иштирак етмә) маддәләри илә иттиһам елан олунуб. Һәмин аксиjаjа ҝөрә 35 нәфәр азадлыгдан мәһрум едилиб.
Диггәт: Хәбәрдән истифадә етдикдә мәнбәjә истинад лазымдыр
