Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Мүстәгил Дөвләтләр Бирлиjинин (МДБ) үзвү олан Таҹикистан Республикасынын силаһлы гүввәләри, паjтахт Дүшәнбә шәһәриндә ҝизли фәалиjjәтлә мәшғул олан вә террор әмәлиjjатлары һәjата кечиртмәк истәjән сәләфиjөнлү силаһлы тәшкилаты ашкарлаjараг бүтүн үвләрини һәбс едиб.
Адынын ачыгланмасыны истәмәjән Таҹикистан Дахили ишләр Назирлиjинин әмәкдашларындан бири бу һагда ачыглама верәрәк билдириб: “Һәбс олунан 10 нәфәр силаһлы, “Өзбәкистан Ислам Һәрәкаты” вә “Әнсаруллаһ” ҹәмиjjәтинин үзвләриндәндирләр”.
Билдирәк ки, геjд олунан силаһлы груплашманын, Паjтахт Дүшәнбә вә онун әтраф раjонларында адамлары ҝиров тутмаг кими бир сыра ҹинаjәт ишләри һәjата кечиртмәк мәгсәдләри олуб.
Рәсми мәлуматлара ҝөрә, Таҹикистан Милли Тәһлүкәсизлик Назирлиjинин әмәкдашлары, jараглылара гаршы апардыглары хүсуси әмәлиjjатлар заманы, ҝизли банда үзвләриндән силаһ вә сүрсатлар, телекоммуникасиjа аваданлыглары, нөвбә-нөв симләр вә партлаjыҹы маддәләрдә истифадә олунан мүхтәлиф нөвлү хүсуси маддәләр ашкарлаjараг мүсадирә едиб.
Таҹикистан Милли Тәһлүкәсизлик Назирлиjи һәмчинин билдириб ки, силаһлы банда үзвләри ҹаванлары террор әмәлиjjатларыны һәjата кечиртмәк үчүн өлкә хариҹинә ҝөндәрирмишләр.
Әлдә олунан диҝәр мәлуматлара ҝөрә исә, террор груплашмасына башчылыг едән Таҹикистан вәтәндашы Әлимурад Мухадов, Дүшәнбәнин дөрд аjры-аjры мәнтәгәләриндә партлаjыҹы маддәләр jерләшдирәрәк террор актлары һәjата кечиртмәк ниjjәтиндә олуб.
Әлимурад Мухадов истинтаг заманы, 2011-ҹи илдә “Өзбәкистан Ислам Һәрәкаты” вә “Әнсаруллаһ” ҹәмиjjәти рәһбәрләри илә биәт етдиjини вә һәмчинин Пкистанын Вәзиристан әjаләтиндә һәрби тәлимләр кечдиjинә етираф едиб.
Геjд едәк ки, һазырда Пакистан, Әфганыстан хүсуси илә дә Суриjаjа хеjли саjда МДБ өлкәләринин сәләфи вәтәндашлары, хүсусән Азәрбаjҹан Републикасынын вәтәндашлары бөjүк ахынла ҹәлб олунур. Онлара бу өлкәләрдә jараглылар тәрәфиндән мүтәлиф нөв мүасир силаһлардан истифадә гаjдалары, террор әмәлиjjатларынын һәjата кечирилмәси вә инсан башларынын кәсилмәси кими тәлиматлар кечирилир.
Диггәт: Хәбәрдән истифадә етдикдә мәнбәjә истинад лазымдыр
