Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Иран Ислам Республикасы Президенти Һөҹҹәтүл Ислам вәл Мүслимин Доктор Һәсән Руһани ҹәнаблары Иран Ислам Республикасынын Мүгәддәс Мүдафә Һәфтәсиндә чыхыш едәрәк деjиб: “Иран халгынын реҝионда нәзарәт мәгсәди jохдур. Лакин еjни заманда тәҹавүзкарларын тәҹавүзү гаршысында бир ан белә даjанмаjаҹаг вә вар-ҝүҹү илә истиглалиjjәти, шәрәфи вә гурулушуну ҹаны вә үрәjи илә мүдафиә едәҹәкдир”.
Ҹәнаб Руһани Мүгәддәс Мүдафиә Һәфтәсинин башланғыҹында етдиjи чыхышында деjиб: “Биз мүһарибәнин сон ҝүнү jәни фәтһин сон ҝүнүнү баjрам етмәдик. Биз мүһарибәнин башланмасы вә мүдафиәнин илк һәфтәсини әзиз сахлаjырыг”.
Һөҹҹәтүл Ислам вәл Мүслимин Һәсән Руһани әлавә едиб: “Биз дүнjаjа демәк истәjирик ки, халгын ингилабын илк илләриндә өлкәнин гуруҹулуғу фикриндә олдуғу бир шәраитдә; орду вә гошунун классик бир мүһарибә үчүн лазыми һазырлыға малик олмадығы бир шәраитдә; халгын ушаг вә ҝәнҹләрини jени тәһсил илини гаршыламаға һазырладығы вә һаҹыларын Аллаһ Евини зиjарәтә jолланмаг истәдиjи бир һалда Иран Ислам Республикасы тәҹавүзә мәруз галды”.
Иран Ислам Республикасынын Президенти даһа сонра Иран Ислам Республикасынын нүвә програмына ишарә едәрәк билдириб: “Гәрб Иран Ислам Республикасынын сүлһмәрамлы нүвә фәалиjjәтләрини Иран халгынын тәбии һаггы олараг гәбул етмәлидир”.
Иран Ислам Республикасы президенти Һәсән Руһани бу ҝүн ИИР Силаһлы Гүввәләринин Мүгәддәс Мүдафиә Һәфтәсинин илк ҝүнү олараг Теһранда Һәзрәт Имам Хомеjнинин (рә) пак һәрәминин кәнарында кечирдиjи парадда деjиб: “Гәрб Иран Ислам Республикасынын бүтүн нүвә һүгугу, о ҹүмләдән беjнәлхалг ганунлар чәрчивәсиндә уранын зәнҝинләшдирилмәсини гәбул етмәлидир вә билмәлидир ки, Иран Ислам Республикасынын бүтүн дүнjаjа мүраҹиәти сүлһ вә достлуг вә әмәкдашлыг вә һәмрәjлик jолу илә реҝионал вә беjнәлхалг проблемләрин һәллидир”.
Президент даһа сонра әлавә едиб: “Иран Ислам Республикасы нүвә мәсәләсинин һәлли үчүн гәрблә илкин шәрт олмадан данышыглара һазырдыр вә инаныр ки, гаршы тәрәф бәрабәр вә икитәрәфли мәнафе чәрчивәсиндә гаршылыглы һөрмәт әсасында меjдана дахил олмалыдыр”.
"Иран Ислам Республикасы бөjүк вә ингилаб сивилизасиjасына малик гүдрәтли өлкәдир. Елә буна ҝөрә, беjнәлхалг гүдрәтләрә төвсиjә олунур ки, Иран халгы илә зор вә тәһдид дили илә данышмасынлар. Чүнки тәһдид, мүһарибә вә дипломатиjанын бир-биринин кәнарында мәнасы jохдур вә һеч бир мәнтигли вә азад халг бир маса үзәриндә тәһдид вә дипломатиjа сечимләрини гәбул етмир" –деjә ҹәнаб Руһани әлавә едиб.
Һөҹҹәтүл Ислам вәл Мүслимин Һ. Руһанинин сөзләринә ҝөрә, Иран халгы күтләви гырғын силаһлары деjил, jалныз инкишаф вә наилиjjәт ардынҹадыр. Елә буна ҝөрә, Нүвә Силаһларынын Јаjылмамасына даир Сазиш чәрчивәсиндә аддым атыб вә она садигдир.
Ираг тәрәфиндән ИИР-а гаршы елан олунмамыш 8 ил мүһарибәнин диггәт мәркәзиндә сахланылмасынын зәрурилиjинә тохунан һөрмәтли Руһани сөjләjиб: “Ислам Ингилабы дүшмәнләри тәсәввүр едирдиләр ки, бир диктатору тәһрик етмәклә вә она һәрби вә малиjjә дәстәjи вермәклә бөjүк бир халг вә дини ингилабы арадан ҝөтүрә биләҹәкләр”.
Иран Ислам Республикасынын президенти әлавә едиб: “Ислам Ингилабы дүшмәнләринин Ирагын едам олунмуш диктатору Сәддам режиминә олан сиjаси, информасиjа вә силаһ, о ҹүмләдән кимjәви силаһ дәстәjи Иран халгыны тәслимә мәҹбур едә билмәди, үстәлик Иран Ислам Республикасынын торпағынын һәтта бир гарышы олсун белә, ишғалда галмады”.
Ҹәнаб Руһани даһа сонра геjд едиб: “Мүһарибәнин Иран Ислам Республикасы вә Ирага чохлу милли хәсарәтләр вурмасына бахмаjараг, бунлардан һеч бири Ислам Ингилабы дүшмәнләрини бу ингилабы jаjындырмаг вә jахуд мәһв етмәклә бағлы нәһс мәгсәдләринә чатдыра билмәди”.
"Иран өтән 200 илдә һеч бир өлкәjә тәҹавүз етмәjиб" деjән ИИР президенти сөjләjиб: “Иранлылар һеч вахт тәһдид вә тәҹавүз әһли олмаjыблар вә реҝионда мүстәмләкәчилик мәгсәдләри ҝүдмәjибләр. Лакин тәҹавүзкар гаршысында бир ан белә дөзмүр, тәҹавүзкарлар гаршысында мөһкәм мүдафиә илә Иран Ислам Республикасы вә иранлынын шәрәфи, истиглалиjjәти вә әрази бүтөвлүjүнү мүдафиә едиб вә едәҹәкдир”.
Президент билдириб: “Иран Ислам Республикасынын Силаһлы Гүввәләринин рәшадәтлилиjи вә мүгавимәти гаршысында баш әjмәк лазымдыр вә дүнjаjа елан едилмәлидир ки, Иран ордусу реҝион ордуларынын әксинә олараг, демократик олмуш вә сиjаси мәсәләләрдә мүдахилә етмәдән һәмишә халгын тәләби гаршысында тәслим олмушдур”.
Сон 3 он илдә һәрби һөкумәт вә һәрби гурулушун олмамасынын Иран Ислам Республикасынын Силаһлы Гүввәләринин фәхрләриндән олдуғуну бәjан едән ИИР президенти билдириб: “Реҝион өлкәләри Иран Ислам Республикасынын Силаһлы Гүввәләриндән хәлги демократиjа дәрси өjрәнмәлидирләр”.
Бәзи өлкәләрин реҝионда тәҹавүзкар вә террорчулары малиjjә вә силаһ ҹәһәтиндән дәстәкләдиjинә тохунан Руһани деjиб: “Иран Ислам Республикасы илә мүһарибәдә Сәддам режиминин дәстәкләнмәсинин Ислам Ингилабы дүшмәнләри үчүн һеч бир нәтиҹәси олмадығы кими реҝионда һазыркы террорчулара дәстәк дә онларын һамиләринә нәһс нәтиҹәләрдән башга һеч бир фаjдасы олмаjаҹагдыр”.
Президент Һәсән Руһани Иран Ислам Республикасынын Силаһлы Гүввәләрини реҝионун стабиллик вә тәһлүкәсизлик амили адландырараг деjиб: “Иран Ислам Республикасыны гоншулар вә диҝәрләри үчүн тәһдид амили һесаб едән бәзиләринин иддиасынын әксинә олараг, күтләви гырғын силаһларына малик олараг реҝион үчүн тәһлүкә мәнбәjи олан сионист Исраил режими бүтүн беjнәлхалг ганун-гаjдалары позур”.
Иран Ислам Республикасынын мүһарибәjә гаршы олдуғуну вә ону бәjәнилмәмиш вә хәсарәтли һесаб етдиjини деjән Руһани билдириб: “Милитаристләрә төвсиjә олунур ки, реҝионда башга бир мүһарибәнин ардынҹа олмасынлар. Чүнки пешманедиҹи мәнфи нәтиҹәләрлә үзләшәҹәкләр”.
Реҝионун һазыркы просесләри, о ҹүмләдән Суриjа мәсәләсинә мүнасибәт билдирән Иран Ислам Республикасынын Президенти әлавә едиб: “Проблем вә мәсәләләри мүһарибә jолу илә һәлл етмәк олмаз вә бөһранларын jеҝанә һәлл jолу реҝион өлкәләринин мәнтиг, сиjасәт, әмәкдашлыг вә һәмрәjлиjи илә мүмкүндүр”.
"Һамы Суриjада мүһарибәнин даjанмасы вә Суриjа халгынын тәләбләринин ҝерчәкләшмәси чәрчивәсиндә сиjаси данышыгларын кечирилмәси үчүн чалышмалыдыр" –деjә ҹәнаб Һәсән Руһани билдириб.
Иран Ислам Республикасы Силаһлы гүввәләринин өнләjиҹи гүввәләр олдуғуну бәjан едән Руһани геjд едиб: “Өнләjиҹилиjин кәнарында вәтәнә севҝи, мүгавимәт, саjыглыг вә беjнәлхалг вә реҝионал мәсәләләрә диггәт jетирмәк вә модерн мүдафиә тәҹһизаты илә тәҹһиз олмаг онларын вә Иран һөкумәтинин вәзифәләриндәндир”.
Һөҹҹәтүл Ислам вәл Мүслимин Һәсән Руһани сонда билдириб: Иран Ислам Республикасынын Силаһлы Гүввәләри ону өзүнүн бир парчасы һесаб етдиjи халгын мүдафиәсинә һазырдыр вә jарадылан проблем вә тәзjигләрә бахмаjараг Ислам Ингилабынын Бөjүк Рәһбәринин бәләдчиликләри саjәсиндә Иран Ислам Ингилабынын ҝәләҹәjинә үмид ҝөзү илә бахыр”.
Диггәт: Хәбәрдән истифадә етдикдә мәнбәjә истинад лазымдыр
