Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Үмүмдүнjа Мүсәлманларынын Али Лидери Аjәтуллаһ Узма Сеjjид Әли Хаменеjи ҹәнаблары бу ҝүн 17 Сентjабр-да Ислам Ингилабынын Кешишкичләри Корпусунун- Сепаһын командирләри илә ҝөрүшәрәк өлкәнин хариҹи сиjасәтиндән, нүвә фәалиjjәтиндән, Гәрблә мүнасибәтләрдән вә Сепаһын сиjасәтдәки иштиракындан данышыб.
Имам Хаменеjи ҹәнаблары, нүвә силаһынын тәрәфдары олмадығына ишарә едәрәк билдириб: “Биз америкалылара вә jа башгаларына ҝөрә jох, әгидәмизә ҝөрә нүвә силаһыны гәбул етмирик. Һесаб едирик ки, һеч кәсин нүвә силаһы олмамалыдыр. Өзүмүз дә онун далынҹа ҝетмирик. Лакин мүхалифләрин иддиасы башгадыр. Бир нечә өлкә вар ки, нүвә енержиси саһәсиндә инһисары әлиндән бурахмаг истәмир. Елә буна ҝөрә дә Америка вә она бағлы Гәрб ҹәрәjанлары һаj-күj салыр, һәнҝамә гопарырлар”.
Чыхышынын давамында хариҹи сиjасәт мәсәләсинә тохунан Лидер вурғулаjыб: “Бу чох мүрәккәб саһәдир. Сиjасәт - тәбәссүм, мүзакирә вә jенә мүзакирә үчүн тәшәббүсү әлә алмаг саһәсидир. Мән хариҹи сиjасәтдә бир нечә ил әввәл “гәһрәманҹасына jумшалма тактикасы” адландырдығым принсипин тәрәфдарыjам вә буна инанырам. Һесаб едирәм ки, бу ҹүр давранмаг бир чох һалда ваҹибдир. Лакин белә бир һәрәкәт әсас шәртә сөjкәнәрәк апарылмалыдыр. Мисал үчүн, бир ҝүләшчи лазым олан вахтда фәнд ишләдиб jумшалдығыны ҝөстәрир. Лакин о, рәгибинин ким олдуғуну вә һансы һәдәфи изләдиjини унутмур”.
Диггәт: Хәбәрдән истифадә етдикдә мәнбәjә истинад лазымдыр
